(Dili) Mudansa –Diretór Programa Oxfam Timor-Leste, Jude Perera Hatete, papél Jornalista liuhosi nia atividade kobertura importante tebes iha isu Mudansa Klimatika, tanba ne’e liuhosi Media Fóur ne’ebé involve jornalista ho otas joven bele garante atu desimina infórmasaun diak liu iha futuru kona ba probema mudansa klimatika.
“Durante Loron rua, jornalista sira tuir ona workshop, liuhosi biban ne’e, ita ko’alia buat ne’ebé la fasil, katak papél jornalista nia ne’e importante los bainhira halo kobertura ba iha isu importante sira hanesan mudansa klimatika, ha’u senti kontenti tanba entre jornalista sira ba iha Media tour ne’e mesak joven de’it, sira ne’e hanesan futuru lideransa ba Iha nasaun Ida ne’ebé tenki halo servisu ho di’ak,” Dehan Diretór Programa Oxfam Timor-Leste, Jude Perera iha salaun oxfam Dili Tersa, 28/05/2024
Nia hatutan, durante ne’e Oxfam servisu hamutuk ho parseiru lokál barak maibé ba asosiasaun jornalista Timor Leste (AJTL) ne’e hanesan etapa fóun ka espasu fóun ida ne’ebé Oxfam realiza no implementa ba Jornalista sira hanesan espasu síviku ida, AJTL servisu hamutuk ho Oxfam iha tinan rua ba kotuk, bainhira dezeiña programa oinsa mak implementa programa sira liuhosi Media Tour sira ne’e.
“Oxfam Senti interesadu tanba servisu jornalista hanesan papél importante tanba Jornalista sira bele kria espasu síviku ne’ebé envolve ema hotu liga ba asuan interese publiku nian. Ita haree Timor no mós nasaun seluk, ladun tau importasia ba iha mudansa klimatika, no balun la fiar katak mudansa klimatika ne’e iha maibé liuhosi estudu sientifiku ita haree katak mudansa klimatika ne’e akontese duni iha ita nia moris,” Nia Afirma
Iha workshop ikus ne’e Diretór Oxfam dehan iha Rai Sir Lanka mós atividade sira ne’e jornalista sira iha mandatu importante iha espasu síviku ida fó sai ou publika buat ruma ne’ebe maka importante.
“Oxfam ho AJTL servisu hamutuk ho jornalista sira tanba sira nia papél importante hodi hafórsa liu tan no fó prioridade ba asuntu mudansa klimatika ne’ebé akontese iha Timor-Leste,” Hakotu Diretór Oxfam
Iha sorin seluk sekretariu Jeral AJTL Acacio Pinto hatutan, fórmasaun ba kolega Jornalista husi kada media ne’e hanesan materia baze ida kona-ba mudansa klimatika ne’ebé globalmente mundu hasoru inklui Timor, ida ne’e bele fasilita ona Jornalista sira hodi halo kobertura iha média tour nian ba iha Lore
“Worshop ba loron ohin ne’e ita mós konvida ita nia parseiru hanesan PERMATIL atu fahe ninia esperiénsia sira durante ne’e, halo oinsa prevene ba iha mudansa Klimatika globalmente ita hotu hasoru,” Nia Hateten
Nia dehan, AJTL servisu hamutuk ho Oxfam iha Timor-Leste iha inisiativa hakarak apoiu Jornalista Timor oan sira kada Instituisaun media halo kobertura direita ba iha Munisípiu liu-liu ba área rural sira to’o Suku. Iha tinan hirak liu ba kotuk ita ho tema hanesan, ita halo iha Oe-Cusse no Ermera agora tinan ida ne’e fóin dadauk ita halo ne’e ho tema seluk ne’e bá iha Ermera agora ita ba fali Lore iha Munisípiu Lautem.
“Importante tebes ba kolega sira nia prezensa loron ohin no aban oinsá ita atu hamutuk define ita nia topiku kobertura antes ita bá iha ba Lore, hadia infrastrutura bázika sira fó apoiu ba ita nia grupu Agrikultor sira para bele kontribui iha produsaun no iha setór edukasaun kona-ba fasilidade sira iha eskola no iha Sentru Saúde no Postu Saúde sira ne’e tenke hetan antesaun,”Hakotu Sekretariu Jeral AJTL Acacio Pinto
Entertantu iha Media Tour ida durante tuir fórmasaun loron rua 27-28, ho tema maka “hametin Média no Jornalista nia papél hodi halo kampa~na advokasia bá Justisa Klimatika” atividades Media Tour sei hala’o durante loron tolu hahu 29 to’o 31 Maiu iha Postu Administrativu Lore, Munisipiu Lautem.
Jornalista : Gaudeçia Belo
EDitór :Veraka
