(Dili) Mudansa-Negosiante Domingas mendonça de Jesus hateten, rendimendu ne’ebé hetan kada loron menus, tanbà komprador sira oituan impaktu modo dodok estraga de’it.
Tuir nia, modo ne’ebé sira faan mak hanesan modo repollu, sira sosa tutan, boron, sira sosa ho $200 to’o $300 no modo sira ne’e bainhira faan tutan fali hetan rendimentu kiik liu.
“Kada loron modo sira ne’e ema ladun sosa no mós iha tempu udan ami la faan, bainhira modo ne’e la fólin, impaktu modo dodok no estraga de’it,” Dehan Domingas Mendonça iha merkadu Taibessi ba Jornalista Media Mudansa kinta-Feira 15/04/24.
Nia haktuir, Kada loron faan hahú husi oras tuku 7 dader to’o tuku neen (6) loraik no faan iha oras dader hetan rendimentu ho montante $5 to’o $6 de’it daluma menus liu husi $1 ka la iha liu repollu ne’e fuan boot entaun ida ho fólin $1 no kiik fuan lima(5) ho presu $1.
“Ha’u Hakarak faan atu nune’e bele hetan rendimentu oituan hodi duporta alin sira no mós ba inan-aman ne’ebé mak dau-daun ne’e iha fóho no ami ema barak balun sei kontinua estudu iha sekundaria balu iha nivel universidade no ha’u iha oan nain tolu (3) mak eskola iha fóho, tanbà ne’e halo negosiu hodi bele suporta alin no oan sira nia eskola ba futuru.” Negosiante ne’e subliña.
Nia sublina, Guarda Munisípiu sira sempre duni negosiante hotu bainhira sira mai negosiante hotu aruma sasan sira ne’e tama ba merkadu laran.
“Ohin ne’e ami faan husi tuku 7 dader to’o tuku 6 loraik de’it, Modo sira ne’e la fólin entaun modo ne’e dodok ami soe de’it dala ruma família sira mai, ami fó balun ba sira durante ne’e hetan rendimentu menus liu, tanbà ema ladun sosa di’ak no bainhira udan mai ami la faan modo dodok ami soe tiha.” Nia akresenta.
Negosiante Domingas husi Munisípiu Ainaru iha maun alin hamutuk nain sanulu-resin tolu (13) nia oan dalima husi maun alin nain 13 no sira nain liman (5)mak fórma ona família inkui nia, Domingas iha oan hamutuk nain tolu (3) no dau-daun ne’e nia hela iha meradu Taibessi laran nia oan nain tolu hela ho nia inan-aman iha fóho.
“Ha’u nia esperansa ba futuru hakarak matein nafatin ho negosia ne’e rasik hodi sustenta família sira.”
Estajiada : Marcelina Sarmento & Inacio Silva
Editor : Veraka
