(Díli) Mudansa– Prezidente Konsellu lmprensa (Kl) Otelio Ote Hatete, lansa livru matadalan jornalizmu inkluzivu ida ne’e óinsa atu ajuda jornalista sira iha teritoriu laran tomak, tanba tinan barak nia laran jornalista barak halo tiha ona pratíka jornalistiku nian, maibé barak mak seidauk intende kona-ba óinsa atu prodúz notísia sira ho inkluzivu.
Konsellu lmprensa servisu hamutuk ho Austrália Broadcasting Corporation lnternational Development (ABCID) lansa livru Matadalan jornalizmu inkluzivu ho tema “let’s Recogniste And Celebrate diversity” livru ida ne’e lansa,tanba koperasaun (ABCID) no mós uza tempu naruk hodi halo peskija ida hodi kontinua relasiona ho asunto inkluzivu.
“Ita hatene konsellu lmprensa nu’udar orgaun regulador ida maibe nia nia iha kompetensia mós atu eleva kapasidade jornalizmu nian, livru ida ne’e ajuda teb-tebes jornalista sira iha teritoriu laran tomak, tanba ita hatene katak tinan barak nia laran jornalista barak halo tiha ona pratíka Jornalista ou produtu jornalistiku, maibé barak mak seidauk intende kona-ba óinsa atu prodúz notísia sira ho inkluzivu,” Dehan Prezidente Konsellu lmprensa (Kl) Otelio Ote ba Jornalista sira iha Suai Room Díli, 16/04/2024
Prezidente Kl akresenta, livru ida ne’e sei gia jornalista sira hotu óinsa atu prodúz notísia lor-loron no involve ema hot-hotu no mós involve grupu sosiál sira hotu, labarik ema feto ho mane, ema ho defisiensia, LGBTQIA sira no religiaun sira seluk, no grupu sosiál sira tenke involve iha publikasaun sira atu nune’e kontribui makaas ba iha sosiadade ne’ebé hametin inkluzivu iha Repúblika Demokrátika Timor-Leste ida ne’e.
“Ita hein katak jornalista sira hotu uza matadalan Ida ne’e ho di’ak, bele gia sira nia prosesu halo kobertura no mós prosesu editing notísia no to’o prosesu publikasaun, tanba ita tenke sensivel tebes ho sosiedade ida ne’e, bainhira ita la inklui hotu iha ita nia publikasaun signifika ita halo diskriminasaun, ho kontiudu ida ne’ebé lala’o tuir termu signifika ita diskrimina ema no ita tau ema seluk iha risku nia laran bainhira livru ne’e iha ona ita bo’ot sira nia liman se ita bo’ot sira iha posibilidade bele habadak tan livru ne’e distribui materia ba iha grupu sala redasaun tomak,” Prezidente Kl Afirma
Otelio Ote subliña, Antes ne’e Kl hala’o tiha ona diresaun monitor no análiza konteudu média nian no sei kontinua halo monitor ba prodúzaun notísia sira lor-loron, liu-liu prosesu asuntu inkluzivu, Média sira prodúz notísia halo tuir manuál ida ne’ebé konsellu Imprensa distribui ona.
“Bai-bain ami komunika ita bo’ot sira maibé karik sira ne’ebé éru makaas los entaun ita notifika ba Média sira, ita nia intesaun óinsa sosiadade sira kompriende didi’ak inkluzivu iha ita nia prosesu prodúsaun notísia to’o ita publikasaun,”Hakotu Prezidente Kl Otelio Ote
Entretantu Diretor Envolvimentu Programa Australian Broadcasting Coorporation International development (ABCID) Hanesan Parseira KI nian haktuir, ABCID enparseria ho KI nia Papel mak foka liu ba iha Programa sira liu-liu atu halo Dezenvolvimentu ba Programa média sira iha Timor-Leste no mós atu apoiu Konsellu Imprensa konaba publikasaun notísia Liu-liu iha inkluzividade.
”Onra ida ba ABCID Australian Broadcasting Corporation International Development hodi apoiu Konselhu Imprensa Timor-Leste iha publikasaun mata-dalan sira ne’ebe jornalista sira, ami servisu hela ho konselhu Imprensa Timor-Leste hanesan papel ida husi ABCDI International ninia Programa atu halo Dezenvolvimentu média iha Timor-Leste”dehan Diretor Envolvimentu Programa Aaron Kearney
Nia hatutan tan katak, desde tinan kotuk sira servisu Hamutuk ho Konsellu Imprensa hodi fornese informasaun reportajen investigasaun iha Balibo, formasaun ba abilidade fundamentál Jornalizmu iha munisípiu sira inklui mós formasaun reportajen elisaun iha Díli, ho nune’e sira servisu hamutuk ho KI liu-liu atu sukat kapasidade média nia iha Timor-Leste.
”Iha tinan kotuk ami servisu hamutuk tiha ona ho Konsellu Imprensa Timor-Leste hodi fornese informasaun iha reportajen investigasaun iha Balibo, formasaun ba abilidade fundamentál Jornalizmu iha Oe-kusse, formasaun reportajen eleisaun iha Díli hamutuk atu haree ba alvu kapasidade média iha Timor-Leste”tenik nia
Jornalista :Gaudençia Belo & Remigia Locateli
Editór : Veraka
