(Díli) Mudansa-PDHJ lamenta ho atitude ne’ebé Sekretáriu Estadu Asuntu Toponomia Organizasaun Urbana (SEATOU sigla Português) ho nia ekipa halo agreasaun Fíziku hasoru Sidadaun Joven ida iha Becora.
“Primeiru Kuandu Ofisial Públiku ida Polísia ka ou Governante ne’ebé halo agresaun fíziku hasoru Sidadaun ida iha públiku ne’e abuzu de Poder, satan husi eskoltu Governante ida mak halo, ne’e Violasaun Direitus Humanus ne’ebé grave, tamba nia halo iha Públiku hasoru sidadaun ne’ebé mak forsa, nia la iha Kilat, la iha Pistola, entaun ita hotu hare’e, la presiza le konstituisaun, la presiza le lei, ne’e referensia oi-oin atu hatete de’it katak atitude ne’ebé ke horseik ita nia ofisial Polísia sira halo hasoru joven, ne’e buat ladi’ak,” informa PDHJ Virgílio da Silva Guterres, ba jornalista sira iha Sentro Nasionál Chega, foin lalais ne’e.
Tanba ne’e, provedór kondena hahalok ida ne’e husu ba governante sira eskoltu ne’e atu proteze governante ne’e, la’os ba halo agreasaun Fíziku ba sidadaun sira.
“Agresaun fíziku ba sidadun ne’e ho razaun tolok, iha ita nia lei ema dehan tolok ka lia-fuan sira ne’e difamasaun, bele lori ba Tribunal ou se ema ne’e sala kaer tau Aljema mak ne’e la’os ba baku hanesan horseik, portantu viola prosedimentu hotu kodíku profesinal Polísia nian ka kualker viola, ita ne’e estadu de direitu demokrátiku, maibé kuandu sidadaun sala Polísia iha atu halo prevensaun balun bazeia ba mandatu Ministériu Públiku nian,balun bazeia ba keixa kuandu Krime,”.
Nia hatutan, kunandu sívil nian, ne’e ema tenki halo keixa entaun tenki tuir ne’e labele ba hatudu iha Públiku, ne’e hatudu nia arogansia, hatudu mós nia Ingnoransia ba lei, katak la kompriende kodíku Profesinal ne’ebé ke sai matadalan ba atuasaun nian.
“Lahatene lei sira ne’ebé proteze sidadaun sira nia direitu, portantu hanesan Provedór lamenta ho situasaun ida ne’e, dala ida tan hanesan ha’u deklara ona iha semana kotuk katak la iha ema ida mak kontra inisiativa Governu nian atu ordena Díli, maibé estadu nia imposisaun ba sidadun sira atu kumpri sira nia dever labele halakon estadu nia kompromisiu atu respeita sidadaun nia direitu humanu, tanba sidadaun sira atu mai hela iha ne’e ilegal ne’e hanesan ema sira iha direitu humanu ne’ebé mak estadu tenki Proteze, no artigú 6 konstituisaun proteze ida ne’e, ita ratifika ona konvensões lubuk ida iha estadu ita kompromisiu atu proteze, estadu nia dever mak atu proteze sidadaun sira nia direitu humanu,” hakotu Provedór.
Jornalista : Inacio da Silva
Editor : Sandi Belo
