Dili (Mudansa)–Diretor Jeral Sekrétariu Estadu Formasaun Profisionál no Empregu (SEPOFE), liu husi Diresaun Nasional Relasaun Traballu (DNRT), realiza doasaun raan hodi selebra loron Mundial traballu nia iha loron 1 fulan Maiu tinan 2024, komemorasaun doasaun raan ida ne’e oinsa atu bele ajuda maluk sira ne’ebé moras iha Hospital Nasional Guido Valadares (HNGV) no mós iha fatin seluk.
Iha komemorasaun loron mundial 1 fulan Maiu ne’e hanesan ema hotu hatene loron Mundial ba traballador sira nian, tanbà ne’e mak Timor hanesan estadu ida mós tama iha membru, entau kada tinan-tinan sempre halo komemorasaun ba loron mundial 1 fulan Maiu.
“Komemorasaun ida ne’e (SEPOFE) organiza ohin loron nia halo doasaun raan atu bele ajuda ita nia maluk sira ne’ebé moras iha Hospital Nasional Guido Valadares (HNGV) no mós iha fatin sira ne’ebé de’it mak presija raan, SEPOFE liu husi Diresaun Nasional Relasaun Traballu, (DNRT) organiza doasaun raan iha (SEPOFE), atu nune’e ita bele kontribui no salva ita nia maluk sira nia vida liu husi doasaun raan ba loron komemorasaun loron traballu nian, ” Dehan Diretor Jeral SEPOFE Carlito Rosario Cabral ba Jornalista Sira iha salaun SEPOFE Caicoli Dili, 29/04/2024Funsionariu halo doasaun Raan ba Ospital-sira
Governante ne’e salienta, iha doasaun raan ida ne’e (SEPOFE) konvida empregador no traballador sira no mós Funsionariu (SEPOFE) rasik, tanbà doasaun raan ne’e ho karakter volontariu karik balun senti ladun saudavel la obriga, tanbà ida ne’e bele afeita ba ema nia saúde i doasaun raan ida ne’e volontariu, maibé (SEPOFE) husu ba Funsionariu nia (SEPOFE) bele kontribui ba iha doasaun raan ninia.
“Epregador ne’ebé mak lao halo doasaun ran ne’e kuaze empregador sira iha Dili laran kompañia Dili laran ita konvida hotu no sira reprezentante ohin tur ne’eba, ita mós halo karta ofisial partne forsa nia no mós parte Ministéiru nian mak (SEPOFE) konvida no Bombeirus parte Interior nian no Ministéiru Defeza atu bele mai iha doasaun raan nia,” Nia esplika.
Diretor ne’e subliña, iha doasaun raan ne’ebé (SEPOFE) targetu kandidatu hamutuk 150 mak prense ona formulariu atu fase sira nia raan, maibé kandidatu sira ne’e la signifika atu hasai raan hotu, tanbalà bazeia ba formulariu ne’ebé sira ohin prense sei halo teste karik balun iha moras labele hasai raan.
Iha sorin seluk Diretor Nasional Relasaun Traballu (DNRT) Ángelo dos Santo Velosolu mós hatutan, objetivu husi doasaun raan ida ne’e aktividade ida atu prense komemorasaun loron Mundial ba traballador sira hotu ne’ebé mak iha Timor-Leste.
“Ita hotu hatene katak Timor- leste mós hola parte asunto traballu ninian, tanbà ita membru ho lP iha tinan 2003 kedas, kada tinan hanesan membru estadu ita sempre komemora loron mundial ba traballador sira hotu iha Timor-Leste i ha’u apresia tebes ba ita hotu ne’ebé mak partsipa iha doasaun ran ida ne’e,Nia sublina
Husi parte (SEPOFE) liu husi Diresaun Nasional Relasaun traballu apresia tebes tanba empregador sira bele marka prezenja hodi hasai ran atu tulun fali maluk sira ne’ebé presija ran, tanba doasaun ran katak ran ema ida nia sei salva ema ida nia vida, inportante mediku no doutor sira hare ba asunto doasaun ran ne’e ninia.
“Doasaun raan asaun ne’ebé mak inportate atu bele salva vida, tanba ita hatene katak raan ida ne’e orgaun ida ne’ebé mak esensial parte ita nia korpu, karik ita la iha raan signifika ita la iha mundu ida ne’e nia benifisiu mak ida ita bele kontrola ita nia saúde ita bele redus tensaun altu atakasaun fuan no Struck atu bele prevene, doasaun raan ho idade minimu 18 to’o 60,maibé idade husi 61, 62 ita sei haré fiziku doador ita iha Timor karteira doador iha donor 2 no donor 9 volontariu ne’e mak ohin ita realiza aktividade hasai “donor” raan volontariu nian hodi komemora loron Mundial traballu ninian,” Hakotu Nia
