(Dili) Mudansa-Istituto ao combate HIV-SIDA Quinta-Feira ne’e realiza atividade seminariu Nasionál ho sentru fórmasaun tolu oinsa atu habelar liu tan infórmasaun ba virus refere hodi nune’e Joven sira labele involve an bei-beik iha relasaun ne’ebé la saudavél
“Atividade Ida ne’e hanesan atividade seminariu nasionál ne’ebé ita atu habelar liu tan infórmasaun ba joven sira liu-liu ita hatene katak virus ida ne’e perigu tebes ba ita idak-idak nia vida ho nune’e INSIDA kontinua uja meus oi-oin hodi bele fó sai infórmasaun ba Joven sira ne’ebé halo relasaun la saudavél, tanba ita hanesan nasaun ne’ebé atu tama ona ba ASEAN presija joven sira tenke hadia ita ninia an di’ak atu nune’e Joven ASEAN sira bele haree ita mós di’ak” dehan Presidente INSIDA, IP Daniel Marçal Jornalista Media Mudansa iha Quin-feira 25/04/2024 Salaun INSIDA,IP Pantai Kelapa Díli
Iha fatin hanesan representante servisu saúde munisípal Díli Anacleto Aparisio hateten, servisu saúde munisípal Díli hakarak kopera maximu ho INSIDA, IP atu partillá liu tan infórmasaun sira ba públiku liu-liu moras ne’ebé da’et no moras ne’ebé liga ho saúde públiku nia, tanba ne’e nafatin husu ba instituisaun hotu-hotu atu kopera malu nafatin iha parte infórmasaun nia liga ho virus ne’ebé mak sai preokupasaun ema hotu nia.
“Ita halibur malu iha ne’e tanba INSIDA servisu saúde munisípal Díli orgullu atu kopera hamutuk ho INSIDA oinsa mak atu habelar infórmasaun sira liga ba moras da’et no liu-liu moras ne’ebé liga ho saúde Publik tanba ne’e mak hakarak agradese ba INSIDA no mós instituisaun ne’ebé mak iha atu habelar nafatin infórmasaun hirak ne’e no mobiliza nafatin ita nia TOR ba kolega sira hotu no instituisaun sira hotu atu oinsa mak ita atu fahe infórmasaun klean liu tan”dehan Anacleto Aparisio
Nia haktuir tan katak dadaun ne’e sentru saúde Díli mós iha ona fasilidade sira ba virus refere ho nune’e sé deit mak atu ba halo tratamenu atu hatene nia moras, nafatin besik ba sentru saúde no hospital sira, dadaun ne’e mós iha ona treinameitu ba médiku sira ne’ebé atu halo tratamenu ba virus refere ho nune’e nafatin husu ba públiku atu kopera di’ak ho saúde hodi nune’e bele livre husi kualker moras.
“Servisu saúde munisípal Díli ita iha knaar Ida mak prepara fasilidade oinsa mak bele fó tratamenu ba ita nia maluk sira ne’ebé mak identifikadu sai hanesan tarjeitu ita nia mak hanesan afetadu ba HIV-SIDA tanba ne’e mak servisu saúde munisípal Díli ita iha hela fatin pontu rua ne’ebé mak ita prepara atu halo tratamenu ba ita nia maluk sira ne’ebé mak afeta ba virus refere, fatin rua ne’ebé ita nia mediku enfermeiru ne’ebé mak treinadu atu fó atendimentu no fó asistensia seguru no konfidensialidade ne’ebé ohin husi instituisaun instituisaun tolu ne’e mai iha ne’e rona infórmasaun karik habelar ba”hakotu nia
Iha sorin seluk representante husi sentru fórmasaun tolu, Cleofaz Seixas husi sentru fórmasaun KHS tenik, esfórsu husi INSIDA, IP tuir observasaun sira nia iha ona mudansa tanba sira sensibiliza bei-beik no infórmasaun kontinua ba oin Timor-Leste iha ona Mudansa ho nune’e nafatin kopera malu di’ak atu bele habelar nafatin infórmasaun ne’e
“Institutu Combate HIV-SIDA,IP sira iha mudansa ita fiar katak ho mudansa ne’ebé mak iha ita bele habelar infórmasaun konaba moras HIV-SIDA ne’e di’ak liu iha Timor tanba se ita lakohi halibur malu hanesan ne’e ita lakohi kopera entaun ita sei ki’ak ba infórmasaun liu-liu moras sira ne’ebé mak akontese dadauk iha Timor-Leste” dehan nia
Nia relata tan virus HIV-SIDA la’ós moras fóun ba públiku no la’ós mós fóin akontese iha Timor-Leste, maibé Ida ne’e ema hotu hatene no kuinese, tanba ne’e nafatin husu ba públiku liu-liu sira ne’ebé mak asessu ona ba infórmasaun refere tenke hamutuk hodi proteze Timor-Leste husi Virus HIV-SIDA.
“Hau hatene katak virus HIV-SIDA ne’e la’ós moras fóun no ema hotu kuiñese no fiar katak Imi mós komprende maneira oinsa mak mak moras ne’e iha, tanba ne’e mak nafatin husu ba ita sira iha ne’e atu kopera nafatin liu-liu tema ne’ebé mak iha katak Hamutuk atu proteze Timor-Leste husi virus HIV-SIDA” hakotu nia
Entre tantu partisipante sira ne’ebé mak partisipa iha sensivilizasaun ne’e mai husi sentru fórmasaun tolu(3) mak hanesan, Knua Haburas Siensia(KHS), Sentru Treinameitu Vokasional Juventude(STVJ), Haburas Dezenvolvimento Talento (HADEZTA).
Jornalista : Remigia Locateli
Editór : Veraka
