(Dili) Mudansa–Arce Bispo Metropolitano Dili Dom Virgilio Do Carmo Da Silva, SDB hateten iha vizita Amu Papa Francisco nian mai iha Timor-Leste dia 9 to’o 11 de Setembru tinan 2024 ne’e Amu Papa sei enkotru Espesiál ho polítika ukun Na’in sira iha rai laran no mós enkontru Espesiál ho reprezenta Joventude tomak iha Timor-Leste
Tema Espesiál ba Amu Papa nia vizita mai iha Timor-Leste mak, hein katak imi nia fiar sei sai hanesan imi nia kultura.
“Amu Papa mai nu’udar xefe estadu nia entaunn nia orario katak sei iha tempu Amu Papa sei hasoru xefe estadu no mós iha tempu atu enkontru Espesiál ho ita nia polítiku nain sira, iha tempu ne’ebé Espesiál Amu Papa hala’o enkontru ho polítiku sira iha iha ita nia rai laran, Amu Papa mós sei iha enkontru Espesiál Ida ho reprezenta Joventude tomak iha Timor, ita hatene katak iha Timor joven barak tau hamutuk iha fatin ida la to’o, entaun joven ne’ebé La iha oportunidade atu enkontru ho Amu Papa bele hakbesik an ba tasi tolu hodi simu bensa,” Dehan Arce Bispo Metropolitano Dili Dom Virgilio Do Carmo Da Silva, SDB ba jornalista sira iha Câmara Eclesiástica Arquidiocese Metropolitana Dili, 12/04/2024
Dom Virgilio Hateten tan, Preparasaun ba parte Igreja nia ba santidade Amu Papa nia vizita mai iha Timor-Leste hanesan Igreja nia preparasaun lojistiku iha governu ninia liman, parte Igreja ninia haree liu kabe ba Igreja ninia kna’ar mak haree fatin sira ne’ebé Amu Papa sei liu atividade sira hanesan enkontru katedral no sei misa iha tasi tolu kona-ba misa hanoin ba Koru liturjia hanoin kona-ba oioin atu atendimentu parte Igreja ninia papél.
“Preparasaun ispiritual nia mak enkarega tiha ona ba vigariu geral tolu, atu vigariu geral tolu hamutuk ho Padre madre sira hotu iha Dioseçe iha Timor nia oinsa prepara materia, oinsa atu tulun sarani bele kompriende didi’ak importasia vizita Amu Papa nia mai iha Timor, presija iha formasaun ida ba sarani, Oinsa ita ki’ik bo’ot prepara an atu sai ba hasoru vizita Amu Papa nia.
Arce Bispo Metropolitano Dili, Dom Virgilio klasifika katak, vizita Amu Papa Francisco nian mai iha Timor-Leste nu’udar xefe estadu Baticano nian nune’e mós nu’udar xefe Igreja Katólika nia iha mundo, entaun governu no Igreja servisu hamutuk hodi halo preparasaun ba vizita Amu Papa nia.
“Amu Papa mós vizata grupo reprezentante Difisiente nia ne’ebé ami hili tiha ona Amu Papa sei fo tempu liu sira, difesiensiente sira ne’e sei reprezenta maluk difesiensiente sira iha ita nia rai laran, Amu Papa nia vizita mai iha Timor-Leste ba sarani sira hotu, no Mensajen Amu Papa nia sei lori ba ema hotu ne’e duni nia mai nafatin lori Mensajen nain Jesus Kristu nia mai ita hotu, no ita hotu hakarak duni paz Ida ne’e bele buras liu tan Amu Papa nia vizita ne’e mós momentu ida ita reza momentu espitual Ida bele lori paz no muda iha ita nia fuan no laran, Amu Papa nia Mensajen katak make terus susar maibe kontinua lao Ita hein katak Amu Papa nia vizita ne’e bele mai ho Mensajen Ida ne’e ita hotu reza, atu bele nakloke atu simu ita nain Jesus kristu saseluk ne’e bele lori duni paz ne’e mai iha ita nia rai,” Nia Tenik
Entertantu iha vizita Amu Papa Francisco nian mai Timor-Leste ne’e mós akompañia husi Amu Papa nia grupo rasik kardiais ho Bispo akompañia sira hamutuk 55 no mós sei iha akompañia husi jornalista Internasional akreditado iha Baticano hamutuk 85 jornalista Internasional.
Jornalista : Gaudencia Belo
Editór : Veraka
