(Díli) Mudansa- Relasiona ho karta sirkulár ne’ebé fó sai hosi Diretora Ezekutiva Hospital Nacional Guido Valadares (HNGV), Sra. Cecília Barros hodi bandu média ka jornalista sira halo kobertura iha HNGV, AJTL konsidera ne’e hakanek demokrasia no amiasa Liberdade Espresaun no Liberdade Imprensa.
“Média ka Jornalista hola papél importante iha paíz sira ne’ebé opta polítika rejime demokrasia, liu-liu oinsa atu asegura ninia sidadaun sira hodi hetan infórmasaun lolos no kredivél lika ho servisu públiku nian,” AJTL hato’o asuntu ne’e liuhosi nia press statement ne’e média Mudansa Asesu foin lalais ne’e.
Tuir ninia evolusaun, liu-liu iha era dijital dadauk ne’e, média ka jornalista la’ós de’it tranzmite infórmasaun, maibé hala’o mós funsaun kontrolu sosiál hosi ninia reportajen investikativu sira. Funsaun kontrolu sosial ka papėl média watch dog ne’e halo atu asegura katak servisu públiku sira hanesan implementasaun projetu sira tuir duni sistema aprovizionamentu, planu orsamentu no planu ezekusaun nian.
Tanba ne’e, iha paíz demokratiku hanesan Timor-Leste la’ós estrañu bainhira média ka jornalista halo kobertura iha espasu públiku sira hanesan ospitál, eskola, aeroportu, paláslu no edifisiu públiku sira seluk iha paíz ne’e kona-ba asuntu sira lika servisu administrasaun públiku nian sein impedimentu.
Nu’udar pilar ka ai-rin demokrasia nian, média ka jornalista hala’o mós ninia mandatu konstitutional nu’udar haktuir iha Artigu 40 no 41 atu karante no hakunu sidadaun hotu ninia direitu atu asesu infórmasaun sein interferensia hosi parte ruma. Funsaun kontrolu média nian mös halo atu karante polítika boa governasaun ne’ebé baibain politiku ka lidér sira paíz ida-ne’e nian ko’alia no promove lha fatin barak tantu iha rai-laran ka iha rai-liur.
Tanba ne’e, Asosiasaun Jornalista Timor Lorosa’e (AJTL) ne’ebé durante ne’e halo advokasia hodi promove no hametin liberdade imprensa no liberdade espresaun iha paíz demokratiku ida-ne’e’ hareee katak Karta sirkulár hosi Diretora Ezekutiva Hospital Nacional Guido Valadares (HNGV), Sra. Cecília Barros hodi bandu média ka jornalista sira halo kobertura iha HNGV ne’e nu’udar tentativa no ameasa ida ba liberdade imprensa no liberdade espresaun iha Timor-Leste hanesan haktuir iha Konstituisaun RDTL, Artigu 40 no 41.
Diretora Cecília tenke konsiente ou sadar katak, Ospitál Nasional ne’e espasu públiku, la’ós espasu privadu kargu xefia ka governante ruma nian nune’e bandu sidadaun ka jornalista sira atu asesu Infórmasaun lika servisu públiku nian, liu-liu atividade sira ospitál nian. Bainhira ema ruma halo vidiu ka hasai fóto ruma no manipula hodi publika iha média sosial kona-ba atividade ospital nian, iha meiu oi-oin atu kontra ida-ne’e, la’ós bandu fali sidadaun no jornalista bainhira halo vidiu no hasai fóto iha espasu públiku hanesan ospitál nasionál.
AJTL hareee katak Karta sirkulár ida ne’e hakanek ona liberdade imprensa, liberdade espresaun no Bazela razaun sira temi iha leten AJTL harak hato’o nia pozisaun hanesan tuir mai valór demokrasia iha Timor-Leste iha tempu ne’ebé Timor-Leste prepara-an atu tama iha ASEAN.
AJTL kontra no kondena mak’as karta sirkulär hosi diretóra ezekutiva HNGV ne’ebé diriji ba públiku, mídia ka jornalista sira iha kontestu kobertura no liberdade espresaun tanba sirkulär ida ne’e la tane prinsipiu boa governasaun iha país demokratiku Timor-Leste
AJTL konsidera karta sirkular ne’e ho intensaun atu taka infórmasaun sira kona-ba prosesu tratamentu saúde, falta aimoruk no falta medikamentu sira seluk dadauk ne’e akontese iha HNGV tanba kestaun inkapasidade jestór sira HNGV no Ministériu Saúde nian.
Ho pozisaun Ida-ne’e, AJTL husu ba Diretora Ezekuativa HNGV Sra. Cecília atu dada fila karta sirkulár hodi fó espasu no biban ba mídia ka jornalista sira atu halo kobertura iha HNGV nu’udar espasu públiku atu asegura públiku nia direitu ba infórmasaun loos no kredivel.”
Husu ba Povedór Direitu Humanu No Justica (PDHJ) atu fóti medida hasoru karta sirkulár refere tanba impede ona média ka jornalista nian servisu hodi karante boa governasaun no públiku nia direitu ba infórmasaun
Husu mós ba SECOMS atu fó hanoin ba governante sira ka kargu xefia sira instituisaun Estadu nian atu fó infórmasaun ba jornalista sira lika servisu públiku nian, la’ós atu impede fall jornalista sira hosi kobertura.
Jornalista sira no kanál mídia hotu-hotu iha rai-laran atu fó solidariade ba malu hodi kontinua publika infórmasaun sira kona-ba falta ai-moruk iha HNGV, sentru saúde no postu saúde sira Iha rai-laran tanba Timor-Leste dadauk ne’e infrenta hela krize aimoruk.
Jornalista no kanál mídia hotu-hotu atu nafatin kumpri Kódigu Étika Jornaistika, Lei Komunikasaun Sosiál no prinsipiu sira jornalizmu nian bainhira hala’o knaar jornalizmu iha neʼebé de’it atu nafatin asegura no karante liberdade imprensa no liberdade espresaun iha Timor-Leste
Iha sorin seluk, Prezidente Konsellu Imprensa, Otelio Ote, hatete, relasiona ho karta sikular ne’ebé fó sai hosi HNGV, nu’udar Instituisaun Estadu ida ne’ebé sai Sumbriña ba Média hotu-hotu, sente triste tanba labele halo diferensia, Desde ke nia Média Estatál di’ak liu fali ka bo’ot liu fali ka hetan Oportunidade barak liu fali duke Meus Komunikasaun ne’ebé la’ós Média Estatál, tanba atu dehan Oinsa mós nia funsaun sira ne’e hanesan de’it.
Média Estatál Média sira no média hosi Setór Privadu funsaun hanesan de’it mak infórma, eduka, kontrola no diverte ba públiku, tanba ne’e sé di’ak liu HNGV reviu fila fali regra ida ne atu fó oportunidade hanesan ba Média sira Hot-hotu, Por Ezemplu sira Jere Média ida bele tama ema nain hira, Média ida bele fóti Video ka Fótografia ka Intervista iha menutu hira, ida ne’e mak ita presiza.
photo: Ino
Lalika fó hatene kona-ba regras atu intervista ka foti fótografia tanba Jornalista sira hatene ona sira iha kódiku Etika Jornalismu ne’ebé Jornalista hatene no sira sei halo tuir tanba notísia ne’e atu di’ak ka ladi’ak orsida Konsellu Imprensa mak sei halo Superviziona, tanba ita iha diresaun ida ne’ebé servisu loron no halo monitorin no analiza ba konteúdu média sira.
Sé média ida, halo públikasaun ladun di’ak, ka uza liafuan sira ne’ebé ladun di’ak ou halo kobertura la Imparsial ka la kobertura ba ema hotu, ne’e Kosellu Imprensa mak sei haree kona ba ida ne’e tanba ne’e mak instituisaun sira hotu-hotu hanesan governu, sosiedade sivíl, igreja, no sidadaun hotu-hotu fó liberdade ba média hotu-hotu atu iha asesu ba infórmasaun tanba Konsellu Imprensa liu-liu nia kompetensia ida nomor dahuluk mak ida ne’e, garante asesu infórmasaun ba sidadaun hotu-hotu, garante Liberdade Imprensa.
Ne’e la’ós Konsellu Imprensa mak hakarak hakna’ar ida nee, Maibé tanba ida ne’ebé Konstituisaun RDTL artigu 40 no 41 ko’alia kona ba asuntu Liberdade Espresaun no Liberdade Imprensa. Liberdade Imprensa ne’e mak mósu Média barak hodi hatutan povu nia lian, hatutan ukun nain sira nia lian ba povu no lori povu nia lian ba ukun nain sira.
“Presiza haree hamutuk ida ne’e tanba ita prefórma demokrasia Timor-Leste tanba ne’e meus komunikasaun sosiál sira iha Timor-Leste iha nia papél makaas durante ne’e, prefórma média de’it mós ita di’ak liu sudeste Aziatiku no mós ita okupa numeru 10 iha mundial ne’e signifika ita iha platafórma di’ak, ita lai iha meus komunikasaun sosiál ida ka la iha jornalista ida ke hala’o nia kna’ar ho intensaun ida ne’ebé atu estraga fali instituisaun ou estraga fali platafórma demokrasia iha ita nia rain ida ne’e,” dehan nia
Konsellu Imprensa sempre halo Sosializasaun ba Instituisaun sira kona ba Lei Komunikasaun Sosiál, esplika kona ba Liberdade Imprensa no Espresaun no buat sira seluk, ita mós ativu hela halo Sensibilizasaun kona ba direitu resposta no direitu ratifikasaun, nune’e karik Média ruma ka Jornalista balu mak halo kobertura iha ita bo’ot sira nia fatin mak keta la tuir saida mak ita bo’ot sira nia realidade ita iha Direitu Resposta no Direitu Ratifikasaun
Ida ne de’it mak mekanismu atu rezolve disputa produtu jornalistiku iha lei durante ne ita uza hela ida ne’e ita nia intensaun mak oinsa liberdade ba média ne tenke nakloke luan klaru instituisaun ida-idak iha nia regras rasik atu jere, oinsa tama no oinsa atu sai maibé labele tau fali iha klasifikasaun ba média sira ou média ida ne’e di’ak liu ou média ida ne’e importante liu no média ida ne la importante liu.
Estajiadu : Inaçio Silva da Conceição
Editor : Veraka
