(Díli) Mudansa- G7+, Centro Nasionál Chega (CNC, sigla Português) no ONG Belun asina nota entendimentu ba prevensaun konflitu sira iha Timor-Leste, liu husi hafórsa programa “Early Warning Early response”.
Objetivu husi asina nota entendimentu ne’e Estabelese kolaborasaun ba iha implementassaun relatóriu Chega, fasilita fahe esperensia ba malu iha area rekonsiliasaun hari’i paz no hari’i estadu entre Timor-Leste ho nasaun membru g7+ sira, hodi haforsa parseria iha area importante sira hanesan hari’i paz no hari’i estadu hodi mantein paz no halo prevensaun ba konflitu liu husi haforsa programa “Early Warning Early response” no fasilita fahe esperensia ba malu.
“Area kooperasaun suporta implementa rekomendasaun Chega, fasilita fahe esperensia no lisaun ba malu, halo advokasia ba hari’i paz liu husi dialogu no rekonsiliasaun, fasilita organiza konferensia internasionál, no mós ONG Belun aseita atu fahe informasaun no data kona-ba sira nia programa EWEW inklui relatóriu informasaun kona-ba g7+, parte rua ne’e mós aseita atu fahe informasaun ba malu kada instituisaun ida nia papel, fasilita programa ba munisípius, supporta dezenvolvimentu no implementasaun polítika governu nian relasiona ho prevensaun konflitu nian,” dehan Sekretáriu jeral g7+ Helder da Costa ba jornalista sira iha salaun g7+, foin lalais ne’e.
Iha fatin hanesan, Diretór Ezekutivu Centro Nasionál Chega (CNC), Hugo Fernandes hatete, g7+ ho CNC reaktiva fila fali rede nasionál prevensaun kompleta komunitaria, rede ne’e hahú tinan sanulu liu ba paradu tiha hafóin ho inisiativa g7+ ho ONG Belun parseiru rua hamutuk hodi ativu fila fali rede nasionál prevensaun kompleta komuntaria la’os reativa de’it maibé envolve direitamente dialogu iha diskusaun nível komunidade nian.
Nia dehan, iha tinan kotuk kuaze dialogu neen, ne’ebé fóku liu ba grupu Artemarsiais sira iha Díli, Manatutu, Maliana no Kovalima halo ida ne’e hamutuk atu bele garante konflitu iha komunidade nia le’et hodi bele hamenus nia konflitu, hanoin fó efeitu di’ak funsiona no la’o nafatin envolve tan ema barak hamutuk g7+.
“Ita envolve ona ba iha polítika interna ita nian, ita halo ida ne’e sekretáriu jeral hatete, festival Fronteira dialogu komunitáriu , tinan ida ba oin ami sei halo ida ne’e importante CNC, g7+ ho ONG Belun kontinua iha misaun ida hodi halo prevensaun ba konflitu, tanba ne’e ohin CNC asina nota entendimentu ne’e iha objetivu rua; ida atu hametin kapasidade institutu nasionál nu’udar estadu nian, ida seluk tanba komprimisiu hamutuk atu hanoin no fahe Esperensia Timor nian no aprende esperensia País konflitu sira selu husi Afrika no Asia, iha tinan ida ne’e hein katak iha oportunidade di’ak liu atu aprende ho Kambodia no Myanmar,” esplika diretór ne’e.
Diretór ne’e hatutan, iha inisiativa ne’ebé mak atu reativa fila fali rede nasionál prevensaun konflitu envolve Liña ministeriais barak husi g7+, CNC no ONG Belun iha Ministru interior, iha Kram iha mós Ministru Defeza iha entidade barak mak envolve iha laran, durante ne’e nia aprosimasaun ba ho di’ak, iha tinan kotuk fatin barak mosu ida ne’e no konsege redus nia númeru sira.
Entretantu, Diretór Ezekutivu ONG Belun Luis da Costa Ximenes, hatete dizimina informasaun kona-ba papel g7+ ba komunidade rai laran no mós fasilita dadus sira kona-ba rezultadu peskiza ne’ebé mak komferensia ONG Belun ba iha g7+ liu-liu ba dadus violênsia ba komunidade oinsá halo intervenasun husi parseiru hamutuk g7+, CNC , ONG Belun no mós Parseiru lokal, envolve autoridade lokal sira oinsá hare’e ba kapasidade hametein paz ba komunidade
“Ha’u hanoin konflitu arte marsiais sai hanesan preokupasaun nasionál ba ema hotu-hotu nian, governu ida mai ho nia ho Bandu, depois Governu ida seluk mai fali loke nafatin artemarsiais, da-daun ne’e ita hare’e movimentu arte marsiais mós iha faze ida tara bandu, katak la iha aktividade ona,” haktuir Diretór ONG Belun.
Diretór ne’e mós husu ba governu hanesan parte sosiadade sívil no mós parte relavante sira seluk hamutuk atu kontrubui ba reduz ka finaliza ba violênsia ida ne’ebé afeita ba iha grupu arte marsiais no arte rituais sira.
Estajiada : Marcelina Sarmento/ Libania de Deus
Editora : Sandi Belo
