(Díli) Mudansa- Diretor INSIDA,IP Daniel Marçal hateten, Institutu Nasionál Kombate HIV-SIDA(INSIDA,IP) kolabora hamutuk ho Universidade Díli (UNDIL) hodi organiza seminariu Nasionál ho tema Situasaun jerál HIV-SIDA no informasaun HIV-SIDA atu sensibiliza informasaun konaba prevensaun transmisaun HIV-SIDA no mós moras hada’et sira seluk.
“Objetivu husi seminariu ne’e oinsa atu fahe informasaun ba estudante sira, tanba estudante balun labele kontinua sira nia estudu, balun tanbá domin halo relasaun ikus soe bebe, ko’alia kona ba domin ne’e responsabilidade ida, keta uza nia liberdade hodi la tauk Maromak, keta uza nia liberdade hodi kontra nia inan-aman no Dosente sira ikus mai falla iha nia prosesu aprendijazen,” Dehan Diretor INSIDA,IP Daniel Marçal ba jornalista sira ambitu orientasaun estudante foun ba tinan akademiku 2024 iha Salaun UNDIL Mascarinhas Kuarta-Feira (13/03/24).
Daniel hatutan, koalia kona ba soe bebe, maske foin eskola semester I-II iha ona hakarak atu kaben sedu, dadus atuál hatudu, idade husi 16-17 hamutuk pursentu 26 relasaun seksual. Ida ne’e atu fó hanoin ba hotu-hotu katak buat sira ne’e la’ós labele, maibé iha nia tempu iha nia fatin.
Dadus husi INSIDA,IP hatudu klaru katak joven sira ho idade 15-24 kuaze atus lima resin(500) hetan moras HIV moris ho HIV husi idade 25-44 kuaze rihun ida atus ida resin (1,100 resin) hetan HIV, joven sira presija tau atensaun didiak no hadok a’an husi seksu livre sira no presija tau atensaun didiak ba instrument sira ne’ebé fasil virus atu hada’et.
“Haree ba ita nia dadus agora joven idade 15-14 anos kuaze 500 resin ona kona HIV moris ho HIV 15-24 idade, domin, gostu, kona HIV idade husi 25-44 anos 1,100 resin ona moris ho HIV barak liu hada’et husi relasaun seksual entre feto ida ho mane ida, tanbà domin, liu husi ida ne’e halo falla barak, imi hatene katak relasaun seksual entre feto ida ho mane ida segundu entre feto ida ho feto ida lesbian”relasaun seksual entre mane ho mane ne’e iha Timor no balun mós mai husi raan husi instrumentu sira ne’ebé maka imi uza bele provoka sai raan troka ba malu daun tatto, imi hatene dala ruma ema lori tatto ida ba tatto ema 2-3 ne’e risku.”Nia salienta
Iha fatin hanesan Xefe Estudantil Martinho Soares de Araujo hatete, razaun sira realiza seminariu refere oinsa atu fahe informasaun ba kandidatu estudante akademika sira bele hatene papél estudante hodi kombate moras HIV ne’e mós importante iha aprezentasaun orador kuase joven sira maka numeru HIV a’as.
“Razaun ita realiza seminariu ida ne’e hanesan ita hotu hatene ohin ne’e iha universidade Díli (UNDIL) realiza atividade orientasaun ba faze dahuluk ba dala XIV nian, iha momentu ida ne’e iha estudante barak kandidatu ba estudante akademiku ita iha inisiativa hakarak konvida presidente HIV-SIDA atu bele sai orador ba iha seminar ida ne’e atu bele aprezenta ba iha estudante sira hotu relevante ho moras ne’ebé maka dau-daun ne’e afeita iha Nasaun ida ne’e.’’ Tenik Xefi Estudantil Martinho Soares de Araujo.
Xefi Martinho mós haforsa tan, liu husi formasaun ida ne’e garante kandidatu ba estudante foun UNDIL nia sei partilla liu tan informasaun sira husi parte INSIDA,IP aprezenta no fiar katak sira sei habelar liu tan informasaun ne’e ba estudante sira seluk sosiedade no ema sira ne’ebé sira hela besik komunidade sira iha idak-idak nia bairu aldeia no suku kona ba prevensaun virus HIV-SIDA.
Iha sorin seluk reprezentante kandidatu estudante foun Domingos Gomes mós hatutan, sente seminariu ida ne’e interesante tebes ba nia, tanbà moras ka virus ida HIV ne’e mós sai hanesan ameasa ida ba ema nia vida, ema ho idade ne’ebé joven no informasaun sira ne’e labele deit iha parte Akademiku,maibé tenke fahe mós ba iha komunidade sira.
“Hau hanoin ida ne’e interesante tebes labele iha eskola sira deit diak liu fahe mós ba iha komunidade sira ,hau iha sujestaun karik ba oin bele halo mós fatin sira ne’ebé publiku bele akumula ema barak liu tan, maske ne’e ema barak loos husi Fakuldade 6 se la sala ema hanutuk 800 hanesan ne’e, diak liu ba oin ba iha komunidade ne’ebé maka menus informasaun’’Nia informa.
Estudante ne’e mós husu ba maluk joven sira atu hadok a’an husi ransu livre ne’ebé negativu atu nun’e ema hotu bele iha papel importante kombate virus refere.
“Tanbà ita ema nia saude iha ita idak-idak nia liman,” Nia hotu.
Jornalista : Remizia Locateli & Estajiada Marcelina Sarmentu.
Editor : Veraka
