(Dili) Mudansa- Konsellu Imprensa (KI) kopera g7+ realiza sorumutu ho fórum editoriál no stakeholder sira ho objetivu atu lori média no jornalista sira ba kompriende vizaun, misaun no papél g7+ nian iha Timor-Leste.
Tuir prezidente Konsellu Imprensa (KI) Otélio Ote hatete, Konsellu Imprensa nia hakarak, dudu média sira no jornalista sira nafatin atu aprende loron ba loron tanba, hatene katak jornalista nia moris lor-loron mak infórmasaun, okupa infórmasaun iha tékniku, iha kapasidade intelektuál no iha mós infórmasaun barak.
Jornalista hanesan ema umanu ida los duni lor-loron ba buka infórmasaun, halibur infórmasaun, hakerek edita no publika liu-hosi meiu komunikasaun sosiál, maibé nia la para ho atividade ne’e de’it maibé jornalista rasik tenki kadi nia koiñesementu, nia matenek, nia profisionalizmu atu nune’e bainhira nia aprezenta nia kontiudu jornalístiku liuhosi meus komunikasaun sosiál ema seluk intende no lais.
“Ita hatene, g7+ mak organizasaun inter governamental, nia misaun importante intrudúz Timor-Leste ba mundu no mós introdúz paz ba mundu , hanesan jornalista presija rona no intende ema nia esplikasaun no intende di’ak kona ba kondisaun frazíl ne’e oinsa no saida mak média nia papel ne’e atu ajuda nasaun ida frazíl ne’e sai nasaun ne’ebé di’ak liu iha mundu para neneik ita nia narativa ida frazíl ne’e bele menus no to’o lakon tiha,” dehan prezidente konsellu imprensa ba jornalista sira iha salaun konferensia g7+ palasiu governu sesta 09/01/24
Nia esplika konsellu imprensa espetasaun mak jornalista sira iha koiñesementu kona ba g7+ no jornalista sira iha koiñesementu hakerek infórmasau ba públiku ho narativa ne’ebé los la bele hakerek kona ba asuntu g7+ ho narativu ne’ebé sala tanba de’it jornalista sira laiha koiñesementu .
Iha Timor-Leste, KI adminte katak, laiha limitasaun ba ema ne’ebé SMA sira bainhira remata ona SMA sira bele sai jornalista nivél edukasaun minimu, no deskobre katak, maioria SMA entaun KI buka meus seluk atu bele hakbiit jornalista sira nia kapasidade liu-hosi siensia, liu-hosi tékniku, no hakbit nia intelektualidade.
Iha jornalismu laiha ema ida sai lisensiadu mak di’ak liu laiha ema ida mak tinan barak iha jornalismu mak di’ak liu maibé ema ne’ebé di’ak liu mak ema ne’ebé jornalista ho karakter rasik buka aprende hakerek bebeik buka hadi nia sala ne’e di’ak liu,tanba nia profisionalismu la’ós hareee ema nia sarjana no ema ne’e tinan barak iha jornalismu maibé hareee hosi karakter.
Iha fatin hanesan media and communication manager g7+ Helche Silvester hatete, bazea ba obersevasaun ne’ebé iha katak jornalista barak mak seida’uk iha koiñesementu kelen servisu g7+ no mós saida mak g7+ nia lala’ok tanba ne’e, haree hanesan lakuna gap bo’ot ida tanba ne’e g7+ presija servisu hamutuk ho KI atu bele rezolve lakuna atu nuune’e bainhira jornalista sira tun iha terenu ka partisipa atividade g7+ sira sira bele fó sai notísia ka infórmasaun ne’ebé mak los kona ba servisu g7+ nian.
Tanba iha referensia barak ne’ebé sai notísia iha sosiál média katak g7+ ne’e Timor no Timor mak g7+ maibé bainhira hatene mak g7+ iha membru iha nasaun rua-nolu no Timor mós inklui iha nasaun rua-nolu ne’e, nune’e, ohin loron halibur malu iha ne’e hodi fahe infórmasaun média sira hosi servisu própriu.
“Ami hakarak kolobora ho média hodi promove di’ak liu tan atividade paz iha Timor-Leste atu nune’e Timor-Leste bele sai exemplu paz no establidade, hakarak kolebora ho kolega média sira atu fóti sai notísia paz no estabilidade atu ema barak haten no fó esperansa katak iha Timor-Leste ne’e paz no estabilidade iha, haree notisia ne’ebé negativu bei-beik ne’e sei hatun ema nia espiritu,” dehan Helche Silvester
Estajiada : Marcelina/Libania
Editor : Felisberto F. Da Costa
