(Díli) Mudansa –Ministériu Justisa (MJ) liuhosi Diresaun Jerál Servisu Registu Notariadu (DJSRN) ohin halo Lansamentu ba Ajendamentu sistema online hodi halo atendimentu trata pasaportee maibé seida’uk bele ativa normal tanba presija finaliza dadus pendente iha sistema laran.
“Serimonia lansamentu ba aplikasaun Ajendamentu sistema online ohin ofisialmente lansa ona maibé atendementu sei loke kuandu prosesu pedente iha sistema laran ita sei resolve hotu, molok feriadu ba tinan fóun dadus iha sistema laran rekerente sira kuaze Mill i tal iha tempu hanesan, stock kaderneta hotu tanba ne’e pasaporte fóin to’o, fó tempu mai ami halo produsaun hotu tiha prosesu pedente iha laran, Pois ita sei avisu para hahú atendanmentu aplikasaun online,” Dehan DJSRN João Fernando Martins Borges ba jornalista sira iha Salaun Audotorial (MJ) Díli Quinta, 18/01/2024
DJSRN Fernando hatutan, konaba Ajendamentu sistema online nian DJSRN sei publíka infórmasaun ne’e bele liuhosi media sira no mós liu husi avisu ne’ebé DJSRN sira uza hodi publika
“Atendementu online ba pasaporte ne’e, ferik katuas la moris mesak sira iha oan no família uma laran sei tulun sira, sei iha atendementu espesifiku ba sira, konserteza sei hasaru problema maibé ita nafatin hahú, se ita la hahú banhira tan, tanba ne’e mak ita hahú husi servisu sentrais munisípiu Díli enkuantu Munisípiu sira seluk hein lai,” Nia Afirma
Nia infórma tan, fazeadamente haree evolusaun iha kada Munisípiu antes implementa ba Munisípiu sira seluk sei la’o hanesan durante ne’e halo tiha ona ne’e to’o ne’e haree prosesu sei ko’alia mós parte telekomunisaun asunto rede internet nia ne’e.
“Atendementu ne’e sei Díli sentris maibé la’ós taka dalan Munisípiu sira seluk ita hahú lai husi servisu sentrais depois fazeadamente haree fali Munisípiu sira seluk, atu fó hanoin de’it katak depois de lansamentu ida ne’e ita fóin aplika iha diresaun Jeral servisus sentrais diresaun servisu notariadu ho Munisípiu Díli enkuantu Munisípiu sanulu resin ida to’o Raeoa sidauk bele aplika tanba fazeadamente ita haree evolusaun no haree mós progresu ne’ebé iha,” Hakotu DJSRN
Iha sorin seluk Ministru Justiça (MJ) Amandio de Sá Benevides hatutan katak, Serimonia lansamentu ba Ajendamentu sistema online ne’e bele atendementu di’ak ba ema
“Ita pretende katak ohin lamsamentu ne’e bele halo atendimentu di’ak, bele mós ema kestiona dehan ami sira kaer alkatel ne’e oinsa maibé ita ba ona era dijitalizasaun buat hotu tenke la’o maibé ita nia esfórsu tomak sei to’o, servisu registu notariadu la’ós atende de’it ba pasaporte maibé aplikavél mós ba dokumentu sira selu,” Dehan MJ Amandio
MJ Akresenta katak, Lansamentu ne’e importante no fóin komesa ohin, aban bairua kontinua nafatin, tekniku sira sei esforsu komesa orsida ga aban komesa aplikasaun mósu.
“Agradese ba parte hotu no media mós promove teknolojia ida ne’e, ko’alia mós ba ministériu sira seluk atu bele assesu saida mak Timor halo, atu mellora ita nia atendementu publíku atu nune’e elektroniku ne’ebé palnu IX Governu bele realiza bele fó benefisiu ba sidadaun sira di’ak liu,” Hakotu Nia
Jornalista : Gaudência Belo
Editor : Veraka
