Karik Manan, Celia Prontu Halo Mudansa Dezenvolvimentu Iha Lahane Oriental

banner 120x600

(Dili)  Mudansa – Kandidatura Xefe Lahane Oriental Célia Lopes da Silva feto ne’ebé brani atu lidera komunidade iha suku laran no mós nia prontu halo mudansa ba Dezenvolvimentu sustentavel iha suku laran bainhira manan iha Eleisaun Suku (ES) periodu 2023-2030.

Nia parte, hakarak atu kandidata an ba Xefe Suku tanba hare komunidade iha suku Lahane Oriental enfrenta problema oioin ho Ida ne’e Célia servisu hakarak servisu hamutuk ho komunidade sira oinsá halo mudansa dezenvolvimentu sustentavel iha suku laran.

Kandidatura Célia Lopes da Silva husi Munisipiu Dili Postu Administrativu Nain Feto suku Lahane Oriental, Kandidatura ne’e hala’o nia estudu primeiru eskola tiha iha Yogyakarta Universidade Veteranus Indonesia no mós remata iha universidade da Paz (UNPAZ) iha 2011.

“Ha’u-nia inisiativa kandidata an ba Xefe Suku ho Objetivu Objetivu hakarak servisu ho komunidade sira halo mudansa iha suku ne’e rasik hodi atinji Objetivu dezenvolvimentu sustentavel,” Dehan Kandidatura Célia ba Jornalista Média Mudansa iha salaun Delta Nova, 24/10/2023.

Nia konta, esperiénsia servisu voluntáriu iha Konseilu Nasional Joventude Timor-Leste (CNJTL),  parte seluk hanesan treinadóra klubu Kabulake iha área Sadres Footsal basket no footbal, Kandidatura Celia mai ho nia Moto: Ha’u mak hakarak liman no ain Povu Suku Lahane Orientál nian.

Vizaun mak, hamutuk ho komunidade suku Lahane Orientál kria unidade Paz no inkluzivu, Missaun, hamutuk kolabora servisu ho komunidade suku Lahane Orientál iha aspetu oioin hodi atinji Objetivu dezenvolvimentu sustentavel

Kandidatura Xefe Suku Lahane Oriental iha Programa Preoridade 5 ne’ebé atu halo iha Suku Lahane Oriental mak, dahuluk nia hakarak hadi’a dezenvolvimentu infraestrutura iha suku laran tanba tuir ninia observasaun komunidade iha Suku Lahane Oriental balu seidauk asesu bee moos, Estrada no ahi eletrisidade.

Programa daruak maka Celia hakarak influénsia labarik no joven balu ne’ebé agora abandonadu hela oinsá bele asesu hikas edukasaun, tanba ema barak dehan joven aktu ba krime maibé Lae iha parte ida sira iha ekonomia ne’ebé la sufisiente atu kontinua sira nia eskola.

 Programa datoluk Celia sei haree mós parte Saude tanba saúde importante tebes no sei hare joven barak kaben sedu impaktu ba sira nia fraternidade bainhira Partus joven ho ema defisiénsia barak enfrenta moras oioin atendimentu saúde la másimu tebes.

Programa da haat  Celia sei kombate Krime suku Lahane Oriental oinsá komunidade liuliu joven sira labele envolve iha aktu krime tanba dadaun ne’e Lahane Oriental Koenesidu ba aktu krime ne’ebé ho tipu krime oioin hanesan violénsia doméstika bazeia ba jéneru abuzu seksuál.

Programa da lima Celia sei  Promove Arte kultura no Desportu komunitáriu, hanesan ema ne’ebé Talentu ba dezeñu, no mós realiza Desportu komunitáriu bainhira komemora loron istóriku RDTL.

“Hau husu ba família kolega, maluk joven no mós povu sosiedade sira iha Suku Lahane Oriental keta haluhan iha sábadu semana ne’e 28 fulan October tinan 2023 vota ba númeru 1 ha’u mak liman ain imi-nia hodi dezenvolve iha suku Lahane Oriental,” Hakotu Nia

 

Jornalista : Gaudencia Belo

Editór         : Orlando Magno

banner 325x300
Editor: Orlando Magno