Fix, Semana Oin Komisaun D Sei Buka “Fukun” Husi Sasan Folin Sa’e

banner 120x600

(Dili) Mudansa – Deputada sira husi komisaun D iha Parlamentu Nasionál (PN) ne’ebé trata asuntu ekonomia deside ona kuarta semana oin sei tun direita ba terenu hodi halo fiskalizasaun ba armajen sira Dili laran hodi hatene loloos kauza husi sasán folin sa’e.

“Ami deside ona Kaurta-feira semana oin sei tuun direita ba armajen sira iha Dili hodi hatene kauza husi sasan folin sae, tanba ami rona foos iha armajen balu la iha entaun komisaun D hakarak ba haree direita,” Deputada Olinda Guterres dehan ba Jornalista sira iha Parlamentu Nasionál (PN), Kuarta, 09/08/2022.

Nia subliña, Ohin loron Kuarta, aban Kinta komisaun D sei la’o hodi haree armajen hira maka iha Dili laran, tanba saida maka foos folin sa’e no komisaun D mós rona katak foos aat barak, maibé nia (Olinda) sei konfuzaun aat iha ne’ebé?

Realidade ne’ebé maka Deputada Olinda rona foos ne’e folin sa’e duni, tanba nia (Olinda) rasik maka sosa foos ruma no tomate ruma ne’ebé nia hatene.

“Atu halo efetivu liu iha terrenu, oinsá fó nafatin laran metin ba ita nia agrikultor sira hodi bele kuda produtu lokál, tanba ita la bele foti beibeik deportasaun sira ne’e,” Olinda afirma.

Nia aegumenta tan, liga mós foin dadauk iha Baukau, Asosiasaun Kuda Tomate (AKT) husu Governu atu halo intervensaun Tomate nian, ne’ebé husi nasaun seluk sirkular iha Timor-Leste, ne’e fó ameasa boot ba parte PN liu-liu komisaun D sente triste.

“Maibé ami mós hein, sira nunka ema ida mai hatete ou hatama karta mai hodi husu ba komisaun D para tuun ba terrenu atu haree saida maka akontese, ne’ebé ami nunka hetan konvite ruma maibé ami hakarak husu AKT tenke hatama karta ba komisaun D para tuun ba terrenu hodi haree,” nia hakotu.

Jornalista : Mariano Do Santos Abi

Editór        : Orlando Magno

banner 325x300