(Dili) Mudansa – Relasiona ho Polémika reforma ba membru Polisia Nasional Timor-Leste (PNTL) halo reforma ba membru PNTL na’in 158 iha loron 16/06 tinan 2023, ne’ebé bazeia ba Estatuto Professionál do Pessoál Funções Policiais da PNTL Dekretu Lei Nu. 69/2022 de 28 de Setembru.
Tanba ne’e Komisaun B ne’ebé trata asuntu Defeza no Seguransa hala’o enkontru segredu ho Instituisaun Seguransa no Defeza, Deputada Lidia Norberta afirma pontu rua, primeiru estadu ho tenke la’o ba oin segundu instituisaun sira tenke rezuvisimentu.
“Agora ko’alia kona-ba Polísia reformadu sira, ita la bele haree Governasaun ida ne’e deside la di’ak, maibé tenke haree prinsípiu kontinuidade maka importante,” Lidia dehan ba Jornalista sira iha resintu PN, Tersa 08/08/2023.
Lidia haktuir, Nu’udar komisaun B iha Parlamentu Nasionál, dezde uluk pozisaun komisaun B iha serbisu ne’ebé naruk tebetebes no órgaun sira hotu-hotu halo relasiona ho kestaun ida ne’e, maka to’o ikus rezulta tenke halo desizaun.
ida ne’e la’ós ema na’in ida mak deside ne’e la iha, tanba ne’e maka Lidia dehan prinsípiu kontinuidade, hanesan membru komisaun B ne’ebé tuur nanis ona iha komisaun B la’os foin.
Nia relata, prinsípiu kontinuidade ne’e ema hotu-hotu ladún fó importánsia, hanesan ne’e maka ema dehan Timor la la’o ba oin, deside tiha ida dada fali, nune’e hodi sai oinsá maka ne’e.
Iha sorin seluk hanesan deputadu Bankada CNRT, Patrocino subliña, kona-ba ida ne’e nia parte la bele esplika, tanba la’ós deputadu sira mak haruka reativa fila fali Polísia sira ne’ebé reforma tiha ona, maibé ida ne’e kompeténsia Governu nian liu husi Minísteriu Interior (MI).
“Serake prosesu ida halo reforma ba PNTL sira ne’e kaer ba lei promulga ne’e ka kaer ba lei sira seluk ou keta reforma kaer ba despaixu ruma karik,” nia hakotu.
Jornalista : Mariano Do Santos Abi
Editór : Orlando Magno
