(Dili) Mudansa – Sua Eminensia Dom Virgilio Cardeal do Carmo da Silva SDB hateten, Ohin loron Corpo de Deus sarani katólika hotu ezerse liberdade ida ne’e atu hahi’i Maromak oan halo an ba mane.
Ohin loron feriadu Nasional Governu fó biban ida ne’e mai ema hotu Timor oan sarani Katolia hotu ohin ezerse liberdade ida ne’e atu hahi’i Maromak oan halo an ba mane.
“Husik isin no raan mai ita komunika hodi hatene no koñese lori ita ba nia, ita agradese ba Maromak ho Umanidade halo an ki’ik moris iha Natureza hodi han no uza liafuan atu ita ema komprende Maromak nia mistériu sira.”Dehan Dom Virgilio Cardeal ba jornalista sira iha Lecidere Dili kinta, 08/06/2023.
Kardeál akresenta, komprende Maromak nia Misteriu sira halo an sai santu hodi halo isin kaer no haree.
“Halo ita sai hanesan Maromak nia bele fó han ita ho nia isin no raan, tanba ne’e mak festa Corpo de Deus boot no importante mai ita hodi adora festa ida ne’e halo proseisaun to’o ita-nia rai no Diocese nian ho bensa solenia.” Kardeal Carmo da Silva Salienta.
Nia dehan, Loron ida ne’e boot tebes, tanba Maromak halo an sai ema isin ida konkreta no uza duni trigu paun sai nia futar isin no raan ba ema liu husi ida ne’e sai ai-han espirituál ba ema, tanba ema la’os moris deit ho ai-han isin nian.
Hahán isin ne’e ema han raan midar diabete (s) haka’as hodi haluha tiha katak isin mós presiza ai-han espirituál.
“Ai-han Espiritual nia ne’e mak ai-han ne’ebé hatene hakmatek, hatene pasénsia, hatene haraik an ba malu hatene perdua ida ne’e maka Maromak halo an ba mane hanorin mai ita haraik an perdua malu simu malu Corpo de Deus sai festa boot ida mai ita Maromak ida ne’ebé bele haree ho matan.”Nia hakotu.
Jornalista : Delfina Borges
Editor : Orlando Magno
