(Dili) Mudansa – Ministru Ministeriu Edukasaun Juventude no Desportu (MEJD) Armindo Maia hateten, MEJD asina akordu ho Banku Nasional Comersiu Timor-Leste (BNCTL) apoiu ba iha Projetu Infraestrutura Edukativu ba tinan 2023 nian.
Programa ida ne’e la’os primeira vés, maibé tinan kotuk mós MEJD halo asasina akordu entaun implementasaun sei la’o nafatin orsamentu besik 25 milloens ba Infraesteutura Edukativas.
“Programa Infraestrutura Edukativu 2023, BNCTL maka jere Orsamentu 25 milloens ba eskola hamutuk 117 no kooperasaun ne’e sei kontinua nafatin tanba BNCTL loke nia ramu iha fatin seluk hodi fasilita di’ak liu tan.” Dehan Ministru Armindo Maia liu husi konferénsia Imprensa iha salaun MEJD Vila-Verde Dili, Tersa, 11/04/2023.
Nia haktuir, Lei ezekusaun Orsamentu ba tinan 2023 fó kompeténsia boot ba MEJD maibé Projeitu ne’ebé la liu $.100.000.00 ne’e kompeténsia husi Ministeriu Edukasaun nian, verifikasaun sira ne’e la presiza ba ona Ajensia Dezenvolvimentu Nasional (ADN) maibé bele aselera prosesu ezekusaun.
“Tanba ne’e, Segundu 17/04/2023, sei halo lansamentu ba primeira pedra ba eskola hamutuk 82 iha Maliana, La’os ba eskola iha Maliana de’it, maibé iha fulan Janeiru liu ba kotuk ita inaugura ona eskola hamutuk 94, ba faze daruak nian inaugurasaun iha Baucau eskola hamutuk 59,” Governante ne’e deklara.
Iha fatin hanesan, Enkaregadu Diretor Ezekutivu BNCTL Alcino Monteiro afirma, nia parte hato’o Agradese ba MEJD tanba fó ona konfiansa ba iha BNCTL hanesan parseiru ba programa no projetu sira husi MEJD nian.
“100% BNCTL Banku Estadu nian prontu apoiu ba programa sira husi MEJD no la’os MEJD de’it maibé husi Ministeriu hotu-hotu, maibé nafatin agradese ba MEJD ne’ebé tau konfiansa mai BNCTL kona-ba ezekusaun ba programa no projetu sira husi MEJD nian.” Alcino Apresia.
Nia relata, Iha asina akordu ho Ministeriu Edukasaun ba ohin loron nian konstrusaun Infraestrutura Edukativu ida ne’e BNCTL tau Prioridade, tanba investe ba iha kapitál Umanu nune’e BNCTL propoin atendimentu preferénsia ida ba programa ne’e
Alcino argumenta, BNCTL mós harii Grupu komunitáriu sira atu loke konten iha munisípiu 13 no mós ajénsia lubuk ida, Iha Natarbora atende ba Postu Bariki, Soibada, Viqueque Luca, Fatuberliu no Alas, iha Maubisse atende ba Maubisse, Hatubuikico no Turiskai parte Same nian inklui mós Aileu ne’ebé besik.
“Ita mós iha Ajensia ida iha Atauro ne’e atende ba Atauro rasik no iha Dili ita iha Ajensia Kulu-Hun,Timor-Plaza, Obrigado barak no mós Mandarin ida ne’e grupu komunitáriu sira mak atende iha fatin hotu-hotu.” Diretor ne’e salienta.
Nia subliña, pontu fokál husi Ministeriu Edukasaun iha Munisipiu tenke kria servisu ne’ebé di’ak ho grupu sira loke konten ne’e ho orden no tuir oráriu ne’ebé fó sai tanba BNCTL nia kliente barak, kliente Komersial no kliente sira seluk, tanba ne’e pontu fokál husi Munisipiu koordena malu bainhira grupu sira ba loke konten bele informa ba ajénsia sira fó atendimentu ida di’ak.
“Kriteria loke konten ne’e hanesan ba ema hotu propoin kartaun Eleitora ka Bilete Indentidade (BI) no Passaporte husi 3 ne’e 2 tenke iha kumpre ba iha rekezitus sira kona Lei Brankamentu Kapital, ida ne’e ba ema hotu no BNCTL rasik ema se de’it mós tenke submete ba Lei ne’e,” Alcino akumula.
Jornalista : Delfina Borges
Editór : Orlando Magno
