(Dili) Mudansa – Konsellu Imprensa (KI) husu Jornalista sira tenke kumpre kode étika iha Eleisaun Parlamentar tinan no la bele hare ba partidu ida
Reprezentante Prezidente Conselho Imprensa, Konselleru Exepedito Loro Dias informa, prosesu sira ne’e hotu akompaña iha notísia ne’ebé la’o ona durante ne’e Konsellu Imprensa mós halo monitorizasaun ba produtu jornalistiku sira ne’e hotu.
“Iha eleisaun prezidensiál Ami hasai ona mata dalan ida atu ita bele kaer hanesan giaun nune’e bele hala’o ita-nia knaar ho imparsiál, labele sadere ba partidu A no B maibé ita la’o tuir ita-nia knaar ne’ebé hakerek iha kodigu étika jornalizmu nian,”Dehan Exepedito ba Jornalista liu husi Komfrensia Imprensa iha Salaun KI, Kintal Boot, Dili, kuarta 19/04/2023.
Nia haktuir, Bainhira jornalista viola infrasaun sira iha tempu kampaña eleitorál KI sei fó sansaun hanesan notifikasaun ba média no dada fila Kartaun profisionál.
“Jornalista sira ne’ebé hakarak viola kode étika jornalistika mak primeiru fó notifikasaun atu nia bele hadi’a, sé notifikasaun mak nia nafatin kontinua viola entaun KI sei foti ninia karteira profisionál no la fó tan,” nia relata.
Iha eleisaun sira liu ba KI sempre ezije halo advokasia kona-ba direitu jornalista sira nian iha servisu jornalistiku oinsá sira bele vota hanesan sidadaun iha fatin ne’ebé sira halo kobertura ne’e Kosellu Imprensa nafatin servisu makas atu bele realiza.
Iha fatin hanesan Conselhero Francisco Simões argumenta, hanesan membru KI nafatin fó hanoin ba jornalista sira atu kontinua tane kode étika jornalistika nian bainhira halo kobertura iha eleisaun Parlamentar la bele halis ba partidu ou lider partidu balu, maibé imparsiál ne’e importante
Nia mós preokupa ho média sira ne’ebé rejistu ona iha KI depois halo live streaming ba iha atividade Partidu Politiku sira.
“kona-ba live streaming esperiénsia ne’ebé ita hare, liu liu konsolidasaun Partidu Politiku nian, akontese ne’e ita divulga informasaun ne’ebé mak fontes sira ko’alia barak viola tiha kode étika jornalista no média sira ne’ebé halo live streaming maioria rejistu ona iha KI,” Hakotu nia.
Estajiadu : Zemidonio Martins/Marcelino Freitas
Editór : Orlando Magno
