(Dili) Mudansa – Kliente Eletrisidade Timor-Leste. Empreza Publiku (EDTL,E.P) João Zeus Maldini Martins lamenta ho funsionáriu EDTL,E.P nia servisu ne’ebé to’o agora seidauk rezolve kliente nia preokupasaun liuliu kona-ba sistema pulsa EDTL,E.P nia ne’ebe aat sai problema boot ba públiku.
Kliente João Zeus hato’o preokupa ne’e bainhira forma hela atu sosa pulsa eletrisidade iha sentru EDTL,E.P Kaikoli Dili, (23/04/2023)
“Parte kompetente tenke prioritiza kliente nia preokupasaun tanba ida ne’e kestaun menus kontrola husi EDTL,E.P Se sira kontrola no tau atensaun másimu ba situasaun hanesan ne’e, ha’u sente problema sira ne’e bele rezolve lais no tarde liu mak loron haat 4 Ou lima 5 hanesan ne’e,” João kestiona.
Kliente pulsa eletrisidade Joao Zeus preokupa ho avaria operasaun sentru venda EDTL,E.P koloka iha kapitál laran tanba rezulta kliente barak mai forma iha EDTL,E.P sentrál Kaikoli Dili hodi sosa pulsa eletrisidade.
“Hau sente triste bainhira ami husi dook mai to’o iha ne’e, hein to’o kalan boot mós seidauk fila ba uma, sistema falla nee kuaze besik semana tolu ona tanba semana rua liu ba ne’e ha’u mai sosa pulsa ema barak hanesan ne’e, no ohin loron ne’e akontese tan sistema la di’ak,” nia relata.
João afirma, Iha sentru ne’e atendimentu to’o tuku 12 kalan tuir regras ou oráriu ne’ebé mak EDTL,E.P fó sai maibé dala ruma to’o tuku 12 mós kliente nafatin sei forma atu sosa pulsa EDTL.E.P
Observasaun média Mudansa Nian katak, kliente ba sosa pulsa eletrisidade forma ho liña Ida kuaze metru 30. maibé kuitadu kliente sira ne’ebé iha edifísiu laran kosar suli tanba rai manas la loke ventuiña ka AC, maibé situasaun hanesan ne’e maibé buat hotu la’o di’ak to’o remata.
Estaziado : Zemidonio Martins
Editor : Orlando Magno
