Brismo Husu Ministeriu Agrikultura no Peskas Apoiu Trator Ba GACTIL

banner 120x600

(Kovalima) Mudansa – Grupu Agrikultura Kovalima Timor-Leste (GACTIL), husu apoiu ba Ministeriu Agrikultura no Peskas apoiu tratór ba sira tanba daudauk ne’e grupu ACTIL aluga de’it ema nia hodi hala’o atividade iha natar laran.

Lia hirak ne’e hato’o husi Koordenador Grupu ACTIL Brismo Gusmão bainhira jornalista Media Mudansa halo entrevista iha Zulo knua Postu administrativu Zumalai Munisipiu Kovalima, segunda 17/04/2023.

“Bainhira Ami halai natar ami nia grupu sempre aluga ema nia tratór hodi uza fila rai ho nune’e ami husu Ministeriu Grikultura No Peskas atu apoiu ami nia grupu nune’e ami bele hetan tratór no mákina dulas hare no mós mákina rontok hare nia,” Brismo rekomenda.

Nia afirma, durante ne’e sira hetan osan uitoan husi sira nia atividade maibé seidauk sufisiente atu uza ba nesesidade tanba osan balu selu ba ema nia mákina hanesan tratór, no mós mákina rontok hare.

“Ida ne’e mak ami nia difikuldade hato’o governu liuliu parte relevante sira favór tau matan mós ba ami nia grupu ida ne’e no mós joven sira seluk oinsá atu forte liu tan iha futuru tanba parte ida ami mós kontribui no ajuda ona governu hamenus dezempregu iha rai laran,” nia informa.

Jornalista : Ekipa MediaMudansa

Editór       : Orlando Magno

banner 325x300