(Dili) Mudansa – Reprezentante Partidu Frente Revolusionariu Timor-Leste Independente (FRETILIN) ba Tribunal Rekursu, Roberto Seiza Miranda Jerónimo informa, povu hotu-hotu koñese Bandeira FRETILIN maski koloka ho númeru sorteiu 11 ka sikat iha partidu Politiku sira nia leet maibé povu sei la hili sala.
Roberto haktuir, FRETILIN mai ho númeru sorteiu 11 tuir kedan Partidu Kongresu Nasional Rekonstrusaun Timor (CNRT) iha ema barak mak dehan tuir malu ne’e vota kualkér ida de’it.
“Ami fiar povu hotu hatene Bandeira FRETILIN koloka iha númeru sorteiu 11, sira Koñese maski iha partidus Politikus barak nia klaran maibé povu sira hetan hela ami no la iha konfuzaun,” Dehan Reprezentante Partidu FRETILIN ba Tribunal Rekursu, Roberto Miranda ba jornalista iha Tribunal Rekursu Dili, kuarta, (29/03/23).
Nia afirma, Militantes simpatizantes povu maubere tomak númeru sorteiu ohin hetan iha Tribunal Rekursu FRTILIN ho númeru sorteiu sanulu resin ida (11).
“Ami dehan FRETILIN la’os foin mak mosu maibé besik tinan 50 ona povu koñese maski nia iha partidus polítiku sira nia klaran maibé povu hatene hela FRETILIN vota ba nia partidu vota nia Bandeira, ne’ebé laiha problema ba númeru sorteiu 11.”Nia subliña.
Enkuantu nia informa liu husi média ida ne’e husu militantes hotu Koñese didi’ak FRETILIN nia númeru maka ida ne’e, nune’e loron 21 maiu ba vota iha fatin fatin fiar katak militantes hotu koñese.
“Numeru 11 ne’e signifika 11 setembru ASDT nakfilak ba FRETILIN ne’ebé interpretasaun oioin de’it.” hakotu Nia
Jornalista : Delfina Borges
Editor : Orlando Magno
