(DILI) Mudansa-Festa páscoa ne’e festa libertação hosi pacdo no mate etc. No festa Democracia ne’e katak povo rasik mak decide nia moris liu hosi fo nia voto ba partido ida nudar nia representante atu garante moris diak no moris turi justiça, paz no domin.
Hosi descrição rua ne’e, ita bele entende katak festa rua lori ema ba to’o ponto iha ida katak: Salvação povo nian mak lei uluk liu no bo’ot liu. Agora hau hakarak lori ita ba haré processo hosi festa rua nebé hau mencinoa ona iha leten hodi haré mos nia semelhanças.
Festa Democracia
Por natureza, festa Democracia hahú ho consolidação ba to’o campanha eleitoral nebé partido político ida-idak mai ho nia equipa sucesso. Iha processo ne’e, equipa no candidato ida-idak apresenta sira nia programa, plano no projeto oi-oin ho motto/lema nebé mesak atrai tebes povo nia atenção. Ex. Tane o ema, Tane o rain; Ba O Timor, Maubere Oan Pronto Servi, Fiar-An Lao Ba Oin, Ba Timor-Leste Ida Buras Liu nst. Povo sira nadodon hanesan bibi malae nebé lao tuir bib-atan Democracia hanesan festa rua nebé la hanesan. Ida nudar festa espiritual no Igreja nian no ida seluk nudar festa Estado nian.
Pascoa ne’e rasik katak passagem ka libertação. Libertação iha ne’e comporta sentido oi-oin. Libertação housi opressão, pressão no tirania força ida nian; libertação housi susar no terus oi-oin nebé povo ida enfrenta; libertação housi kiak no mukit ho honra nst.
Festa ida ne’e influencia bibi balu saran nia moris ba nia bibi-atan nia vitória. Haré ba confiança sem reserva nebé povo fo ba sira, halo nai-ulun sira fiar-an hodi halo promessas políticas no retóricas nebé mesak didiak no qualidade deit, até mosu controversial atu soran fali povo. Maske nune’e, hotu-hotu koalia ba povo nia diak, paz iha rai laran, desenvolvimento no prosperiedade iha rai doben Timor.
Ikus mai, povo ho sacrificio tomak hakat ba cada centro de votação hodi hili ema nebé sira fiar katak ne’e mak bibi-atan diak nebé hatene serbi, unifica no tane a’as dignidade povo no nação nian. No liu hosi eleição, povo ho matenek no consciência tomak hanoin, tetu, hakotu no hili ninia representante ou bibi-atan ida hosi candidato wain nebé concorre iha festa Democracia ne’e.
Festa Páscoa
Campanha eleitoral Páscoa nian hahú ho Quarta-Feira Cinzas. Campanha ida ne’e dura 40 dias nebé hanaran Quaresma. Candidato forte mak Jesus Cristo ho nia equipa sucesso nebé composto hosi ema ida deit, João Baptista, nebé mai ho motto: hakribi imi salan no fiar Evangelho. Jesus nia promessa eleitoral ida deit: hakribi imi salan, basá reino lalehan besik ona. Critério ba eleitor sira atu bele participa iha eleição mak ne’e: fo esmola (caridade), oração no penitência.
Durante tempo campanha, Jesus la halo campanha aberta nem door to door, maibé Jesus nia campanha ho tipo jejum iha raifuik maran deit. Ikus mai Jesus foin halibur malu ho nia fiscais sanulu resin rua atu briefing, militantes no simpatizantes sira to’o mai kaer Nia; baku Nia; tula cruz ba Nia kba’as nebé ikus mai resulta Jesus mate crucificado iha foho calvario nia tutun, maibé, liu loron tolu Nia moris hias. Cruz nudar sasin ida hatudu katak Jesus hetan porcentagen nebé as liu iha eleição no Festa Páscoa mak celebração da vitória Cristo nian hasoru diabo, mate, sala no nakukun ni ukun. Liu tiha loron 40 iha Ascenção mak Jesus simu posse hodi sae ba trono no liu loron sanulu iha Pentecostes, Jesus haruka nia Conselheiro principal tun hikas mai hodi lori ksolok, hakmatek no Paz ba ema hotu iha tempo no fatin hotu.
Hosi cenário rua ne’e, ita nota katak iha coincidência ocasional ida entre Festa Páscoa no Festa Democracia iha Timor Leste. Iha nebé, consolidação halao iha tempo quaresma nia laran no eleição halao iha 21 de Maio, loron Domingo (loron Cristo moris hias nian), nebé sei iha hela época Páscoa nian. Ponto de partida mak hakarak liberta povo hosi susar no terus no nia cume mak salvação no moris diak iha isin no klamar ba povo hotu-hotu. Hosi coincidência ida ne’e, hau bele dehan katak, Timor, los duni: Terra Santa, Povo escolhido no Pátria abençoada por Deus.
Feliz Santa Páscoa.
Hakerek nain: Jose Mendes
Univerisidade : Instituto Superior Filosofia e de Teologia Dom Jaime Gracia Goulart (ISFIT)
Fakuldade: Filizofia
Quarto (4) Ano
