(Dili) Mudansa – Negosiante Pentolan Andy Teme informa, nia ho Nia kaben mai Iha Cidade Dili atu buka Moris nune’e bele sustenta nesesidade loroloron, Tamba nia sente kampu servisu iha Reajiaun Administrativu Espesial Oe-kusse Ambeno menus liu ba joven no inan aman sira.
“Iha Oe-kuse Ami la iha kampu traballu atu hala’o servisu sustenta nesesidade uma laran tanba ne’e ha’u ho ha’u-nia kaben foti desizaun mai iha sidade Dili atu buka moris hanesan fa’an pentola,” dehan Andi ba média mudansa iha surikmas Dili, kuarta 08/03/23
Vendedór Andi Teme relata, Oe-kuse hanesan rai moris fatin, maibé nia lakohi hakmatek iha fatin maibé tenke buka meius oinsá atu bele hetan netik lukru oituan hodi sustenta moris ba loron aban nia.
“Dalan ne’ebé ha’u foti maka tenke mai iha sidade Dili hodi buka Osan atu bele ajuda nesesidade loroloron no ba ha’u-nia família Uma laran,” vendedór ne’e akresenta
Nia tenik, la fasil atu buka servisu iha sidade Dili maibé tenke halo buat ne’ebé tuir Andi bele maka fa’an pentolan, iha sidade Dili.
“Pentolan ne’e Hau Nia rasik no liu husi fa’an pentolan ha’u mós bele loke keoske ki’ik Ida iha uma,” Andi realsa.
Oe-kusse oan ne’e relata, pentolan ne’ebé Nia fa’an Kada loron hahú husi tuku 02 meudia sai husi uma dudu gerobak ho pentolan hale’u sidade Dili to’o tuku 8 kalan foin Fila ba Uma.
“Pentolan ne’ebé ha’u fa’an kesak ida folin $0.25, loron Ida ha’u bele fa’an $.35.00 barak Liu Maka $.50.00, kada vés pentolan ne’ebé ha’u fa’an ema sosa la Hotu Hau lori fila ba Uma no fahe ba kolega viziñu sira sira atu nune’e la bele estraga,” nia akresenta.
Estajiadu : Jeronimo Freitas
Editór : Orlando Magno
