Besi Aat Iha Lixeiru Nakfila Ba Osan Hodi Suporta Oan Nia Estudu

banner 120x600

(Dili) Mudansa – Manu kokoreek iha oras madrugada hafanu Alberto Casamero Lopes atu prepara an hodi hala’o atividade iha loron ida, maski rai huun sei nakukun maibé ekonomia uma laran obriga Alberto tenke hakat sai husi uma ba iha lixeiru sira ne’ebé lokaliza iha Dili laran.

Se hakarak kontinua moris iha sidade Dili tenke fanu vontade no hadeer sedu nune’e bele aproveita buat balu hodi sustenta moris atu moris naruk iha mundu ida ne’e.

Moris sempre hasoru dezafiu oioin maski idade avansadu ona maibé nafatin la’o hasoru dezafiu hirak ne’e tanba moris atu atu sai responsabilidade la’ós fasil no la’ós mós difisil maibé buat hotu depende ba ema ida-idak nia esforsu.

“Tuku tolu madrugada Ha’u hili besi aat lixeiru entaun ha’u hili hodi butuk hamutuk, to’o ton ida mak ema foin mai tetu ton 1 osan $. 50.00 ida ne’e han tempu naruk ha’u foin halibur to ton 1 (ida),” dehan Alberto ba média mudansa iha Taibesi Dili, Kuarta 08/03/2023.

Alberto informa, besi aat ne’ebé nia foti iha lixu bainhira tetu fali kilo ida sentavus lima ($0.05) maibé to’o fulan tolu mak husi kompañia mai tetu dala ida.

“Kompañia husi indonézia Surabaya mak mai tetu no sira iha ami nia fatin, se ami mak lori ba tetu iha sira nia fatin ida ne’e ha’u sente ita lakon fali tanba kilo ida $0.05, de’it.” Nia haktuir.

maski hetan rendimentu ne’ebé ki’ik maibé Alberto nafatin iha vontade hodi hala’o nafatin ninia atividade. tanba de’it obrigatóriu nesesidade báziku no hakarak atu atinji oan sira nia mehi ba iha futuru.

“Ha’u tenke hadeer sedu hodi hili besi aat. tanba hadeer tarde saneamentu sira mai foti hotu ba soe iha Tibar, tanba ne’e mak ha’u tenke hadeer sedu para hili uluk antes saneamentu atu mai,” nia afirma.

Luta ba moris naruk la sente kolen atu esforsu an hodi hanaruk moris tanba ema ida-idak sempre responsabilidade nia moris. Maski hala’o atividade ne’e nia valór ki’ik maibé nu’udar aman sempre esforsu an luta mós ba oan nia eskola.

Estajiadu : Julião da Costa Soares 

Editór       : Orlando Magno 

banner 325x300