(Dili) Mudansa – Ministériu Edukasaun Juventude no Desportu halo ona esforsu reál hodi reforma kuadru Juridiku karreira Dosente nian ba estabelesimentu eskolár sira atu Promove sistema edukativu bele fo resposta adekuadu liu ba kualidade Edukasaun iha Timor-Leste
Tanba ne’e VIII Governu Konstitusonal liu hosi Ministeriu Edukasaun Juventude no Desportu (MEJD) aprova ona pakote lejizlativu parte ida atu dignifika professores nia karreira no kria kondisaun hodi garante asesu universál ba Edukasaun no Ensinu hadi’a kualidade husi prosesu Aprendijazem no valoriza manorin na’in sira.
Ministru MEJD Armindo Maia informa, Profisaun Dosente sira nian kona-ba konteudu norma ne’ebé estabelese iha Dekretu-Lei hetan ona aprovasaun husi Konsellu Ministru, relativamente ho setór edukativu aprovasaun iha loron 8 no 18 fulan marsu tinan ne’e.
Prosesu kolaborasaun diploma sira ne’e liu husi prosesu naruk ida ne’ebé inklui analiza kona-ba Edukasaun atuál, bazeia ba estatístika relatóriu, prosesu konsulta nian ho dirijenti eskolár no munisípiu sira
Tan ne’e MEJD esforsu maka’as husi Diploma atu responde ba ezijénsia sira, maibé sempre hela iha fatin melloramentu MEJD hodi asegura públiku.
“Atu fó hatene ba Dirijente no profesór sira katak, ami halo esforsu hotu-hotu atu rekoñese profisaun hanorin nu’udar profisaun esensiál ba dezenvolvimentu Nasaun nian no asegura sistema edukativu ne’ebé bele efikáz nune’e bele lori no eleva valór ensinu aprendizajen ho kualidade di’ak ba ema hotu.,” Dehan MEJD Armindo Maia liu husi konferénsia Imprensa iha salaun VIP MEJD Vila-Verde Dili, (28/03/23).
Governante ne’e haktuir, husu ba profesór sira hotu katak MEJD iha komprimisiu boot atu haree profesór sira nia servisu no interese iha dekretu Lei nu.4 ne’ebé mak aprova ona atu nune’e bele ajuda halo servisu ho di’ak.
“Dala ida tan husu ba profesór sira ita konfia malu imi konfia mai ami, ami mós konfia ba ita boot sira atu halo servisu interese imi nian ita bele halo edukasaun ida ne’ebé ho kualidade no di’ak liu ba ita-nia oan sira,”Nia informa
Nia Akrsenta Ba profesór kontratadu sira ne’ebé ezerse sira nia funsaun nu’udar Dosente iha tinan 2023 seidauk iha abilitasaun Akademika sei fo oportunidade ba nia liu husi rekoñesimentu iha sistema Edukasaun Nasional,
Hanesan asesu kontratu provimente ba tempu indeterminadu hodi halo funsaun administrativa asisténsia dosentes rekuperasaun ne’ebé hanesan ho Grau B primeiru eskalaun iha rejime jerál administrasaun Publika nian.
“Hetan kontratu provimentu ba tempu indeterminadu hodi hala’o funsaun asistente dosentista nian no bainhira hetan ona kualifikasaun akadémika ne’ebé Lei rekere iha kualker tempu hodi halo avaliasaun kompeténsia obrigatóriu bele asesu ba Dosente kategoria Grau B no Indemizasaun nu’udar kompensasaun ba dedikasaun tempu servisu ho montante saláriu fulan ida kada tinan tolu , bazeia ba períodu kontratu ne’ebé rejista ona iha SIGAP.”nia Hakotu
Jornalista : Delfina Borges
Editor : Orlando Magno
