(Dili) Mudansa – Jornalista mak hanesan matan no tilun ba ema hotu atu transforma informasaun ne’ebé loos no kredivel tanba ne’e asosiasaun Timor-Leste Press Uniaun (TLPU) husu ba públiku atu la bele impede atividade jornalista nia no mós la bele julga jornalista iha fatin públiku.
Bainhira jornalista ida iha naksalak ruma iha publika nia leet la presiza atu julga maibé bele hato’o média ne’ebé jornalista hamahan an ou bele hato’o mós ba parte relevante ne’ebé toma konta ba média nia servisu.
Prezidente TLPU Candido Alves informa, nia parte husu Ema hotu inklui lideransa partidu sira bainhira hala’o kampaña labele julga Jornalista sira iha terenu liuliu iha Fatin kampaña no eleisaun.
“Buat ruma ne’ebé naksalak tenke hato’o ba média ou ba iha organizasaun média Sira nune’e bele tetu no hodi hadi’a maibé labele julga Jornalista sira iha terenu,” dehan Prezidente TLPU Candido Alves liu husi ninia diskursu iha abertura formasaun ba jornalista sira ne’ebé realiza iha Tower Fatuhada Dili, tersa 28/03/2023.
Aleinde ne’e, prezidente TLPU mós rekomenda ba jornalista sira atu hala’o knaar tuir kode étika jornalista nia no mós husu jornalista sira atu rona barak ema nia opiniaun ne’ebé hato’o iha tempu kampaña hodi kontribui ba pás no estabilidade.
Estajiadu : Zemidonio Martins
Editór : Orlando Magno