(Dili) Mudansa – Maske Ema hotu hatene Ermera kafé barak, maibé ne’e la sufisiente atu kompleta nesesidade Uma laran tan ne’e Tome de Deus obrigadu tenke hela iha sidade Dili hodi buka Moris atu bele sustenta família Uma laran no mós hare oan Sira Nia estudu.
“Hau rasik maka hakarak foti desizaun hodi Mai fa’an plastik tanba ho kafé de’it la to atu sustenta família Uma laran nia nesesidade,” dehan Tome ba jornalista média mudansa iha merkadu Taibes Dili, sesta 10/03/23.
Tome afirma, nu’udar xefe da família sente triste karik nesesidade Uma laran la sufisiente ho nune’e Nia tenke buka dalan hodi bele haforsa ekonomia uma laran.
“Uluk Hau hela iha Ermera ku’u kafé no halo toos de’it maibé Hau Senti la Diak Tamba Hau Nia oan boot Hotu ona Balu komesa eskola tanba ho kafé de’it Hau labele hare Sira Nia eskola no sustenta nesesidade Uma laran, tanba kolleita kafé Tinan Ida dala ida de’it,” Tome relata.
Tome hatutan, nu’udar Aman, futuru oan Nia importante tebes, maski la to Iha nivel superiór maibé Nia tenke hare oan Sira Nia estudu nune’e bele remata iha nivel sekundária.
“Hau nia hakarak fa’an de’it plástiku tanba, ha’u hakarak oan sira tenke remata iha nivel edukasaun no bele hare fali ami sira nia aman no mós sira nia inan,” Tome Argumenta
Nia realsa ,kada loron nia hetan rendimentu husi fa’an plástiku ne’ebé bele to’o $. 10.00 no bele mós to’o $.15.00, iha loron ida.
“Agradece ba buat ne’ebé Ita hetan ohin loron tanba prezente maromak Nia sei Furak Liu tan Karik ita pasiénsia no forsa nafatin atu hasoru dezafiu oioin,” nia hakotu.
Estajiadu : Jeronimo Freitas
Editór : Orlando Magno
