(Dili) Mudansa – Ministeriu Edukasaun Juventude no Desportu (MEJD) Armindo Maia informa, MEJD fó sai rezultadu rekrutamentu professores Voluntariu pasa ba kontratadu maka na’in 1.539.
Governante ne’e esplika, selesaun ba rekrutamentu ne’e la’o tempu naruk ona dezde iha tinan 2021 to’o 2022, maibé Tinan kotuk ne’e remata MEJD konsege prosesu selesaun dokumentus ba professores voluntáriu iha munisípiu 13 la inklui RAEOA.
“Professores voluntáriu hamutuk 2.910, profesór voluntáriu ne’ebé admitidu “pasa” hamutuk 1.539 no professores sira ne’ebé la admitidu la pasa hamutuk 1.371 ita sei tuir prosedimentu reklamasaun durante loron sanulu-resin-lima “15”.” Dehan MEJD Armindo Maia ba Jornalista iha nia salaun Enkontru MEJD Vila-Verde Dili, Tersa, (14/02/2023).
Tanba ne’e aumenta tan profesór sira eskola iha uma hamutuk na’in 176 maka profesór voluntáriu ne’ebé rekruta ba kontratadu ba primeira faze nian hamutuk 1.715.
Ministru Edukasaun Armindo salienta, Profesores Voluntariu ne’ebé la pasa hamutuk 1.715 kompostu husi ida Pre-eskolar iha profesór/á voluntáriu hamutuk 121 Ensinu Basiku iha professores voluntáriu hamutuk 894, Ensinu Sekundariuprofessores voluntáriu hamutuk 398, Ensinu Tekniku Vokasional profesores voluntáriu hamutuk 126 no programa eskola iha uma profesores voluntáriu hamutuk 176.
“Hanesan ita hotu hatene katak rezultadu ne’e ita Públika ona iha jornál Repúblika no rezultadu sai ona ita sei tuir prosedimentu reklamasaun durante loron sanulu-resin-lima “15” reklamasaun halo iha nivel munisípiu hodi hotu-hotu labele mai konsentra iha ne’e,” Ministru Edukasaun Armindo subliña.
Bazeia ba reklamasaun sira ne’e maka foin halo verifikasaun apurasaun ne’ebé iha fatin, haree loos konsentra fila fali to’o dia 28 fulan Fevreiro tinan ne’e.
“Professores sira ne’ebé la pasa ita fo reklamasaun eskrita la pasa tanba saida? nia hakarak halo reklamasaun profesór ne’e la hanorin naran sai ne’e mós bele tanba ne’e Ministeriu Edukasaun sei buka solusaun, se reklamasaun mai la loos sei la simu,” nia relata.
Voluntáriu ne’ebé pasa ba kontratadu ho pre-eskolár ho saláriu $.204 Sekundáriu no Ensinu Basiku 3°ciklo ho salariu $.272, no mós iha Kontratadu nia prosesu mós kleur ona iha momentu ne’e presiza altera fali dekretu lei ne’ebé durante ne’e Vigora.
“Ita presiza altera dekretu lei ne’e sirkulasaun iha hela konsellu Ministru espera semana ida ne’e se lae semana oin diskute iha Konsellu Ministru hodi aprova ba prezidente Repúblika promulga ita prosesa ona ba professores Kontratadu sira ba permanente,” Nia hakotu.
Jornalista : Delfina Borges
Editór : Orlando Magno
