(Dili) Mudansa – Basic Education Stregthenin and Transformation Project Meneger, Apolinario Marcal do Rego hateten, Ministeriu Edukasaun Juventude no Desportu (MEJD) koopera ho Banku Mundil fó formasaun ba lideransa eskola hamutuk 600.
Iha ne’ebé, Formasaun ne’e faze dahuluk atu haree ba lideransa institusionál oinsá atu bele apoiu prosesu aprendizajen la’o ho di’ak no formasaun ne’e espesífiku liu ba loron ohin ho aban sei kontinua fali iha semana tuir mai ho grupu ne’ebé la hanesan.
“Formasaun ne’e ho objetivu rua, primeiru Governu Timor-Leste halo komprimisiu liu husi akordu finansiál everiment entre Governu Timor-Leste koopera ho Banku Mundial nia album maka fó formasaun ba lideransa eskola nian hanesan Diretor, koordenadór no Inspektor sira hamutuk na’in 600 iha Teritoriu tomak.” Apolinario ba jornalista iha salaun INFORDEPE Matadoru Dili, Kuarta, 15/02/2023.
Nia akresenta, album prinsipál ba área rurais talvéz ladún asesu ba oportunidade ba iha formasaun hanesan, tanba formasaun ida ne’e haree liu ba formasaun Lideransa ho matéria ne’ebé instrumentu observasaun haree ba sala de aula no prosesu aprendizajen iha sala laran.
“Ita-nia lideransa sira bele apoiu ita-nia professores sira atu mellora sira nia hanorin durante prosesu aprendizajen la’o hela no mós objetivu segundu maka ajuda sira oinsá formasaun ne’e bele servisu ho Grupu no apoiu husi parseiru sira seluk,”Nia salienta.
Nia haktuir, Faze tuir mai sei realiza iha fulan jullu atu haree liu ba abilidade saida maka lider eskola sira presiza “ezemplu oinsá sira lidera prosesu aprendizajen ho di’ak hodi mellora kualidade Ensinu Basiku públiku.
Jornalista : Delfina Borges
Editór : Orlando Magno
