(Dili) Mudansa – Reprezentante UNDP Tuya Altangerel hateten,sente kontente tebes hamutuk ho imi iha lansamentu daruak ba atividade programa estájiu ba foin-sa’e projetu Yees estajiadu hamutuk na’in 48 sei koloka ba Instituisaun 7.
Okaziaun boot liu ba Instituisaun tomak iha área públiku no privadu 7 hanesan BNCTL, BRI,MANDIRI, ANCTL, BOLLORE, QUINTAL PORTUGAL, MGA, tanba fó ona oportunidade aprendizajen no estájiu ba estajiadu hotu hodi hala’o estájiu iha instituisaun sira.
Nia haktuir, Estajiariu na’in 48 sei aloka ba iha Instituisaun sira hanesan banku BNCTL ema na’in 37, BRI ema na’in 4, Mandiri ema na’in 2, Bolore ema na’in 3, Quinta Portugal ema na’in 1, MGA ema na’in 4, ANCT ema na’in 1, hanesan ema hotu hatene kada tinan joven rihun tolunulu kompleta sira nia Edukasaun Formal,
“ita-nia kompromisu hamutuk, ohin loron mak atu hadi’a liu tan situasaun atuál empregu nian liu husi fornese estájiu aprendizajen no Graduadu sira foin lalais ne’e bele hetan formasaun no kompeténsia ka esperiénsia ne’ebé limite hodi haka’as an iha sira nia karreira,” Dehan Reprezentante UNDP Tuya Altangerel ba jornalista sira iha Suai Room Timor-Plaza sesta, (10/02/2023).
Tanba ne’e, Kompania husi estájiu fó mós formasaun abilidade ba estajiadu sira antes halo servisu iha sira nia Instituisaun, fiar katak sira la’os de’it atu dezempeñu no akapta ho Instituisaun, maibé haka’as an ba sira nia karreira durante estájiu.
“Ami agradese ba apoiu makas husi Instituisaun tomak ne’ebé simu husi implementa atividade estájiu nian, buat ne’ebé ita halo agora hola parte husi ita-nia investimentu futuru haforsa servisu sira nian iha futuru Timor-Leste bele sai nu’udar futuru Ezekutivu no lider iha Nasaun nian no lori ekonomia di’ak liu.” Nia subliña
To’o ohin loron kompañia estájiu ne’e simu ho susesu estajiadu sira hamutuk atus rua 200 no iha porsentu 60 sei garante servisu bainhira remata estájiu ne’e.
“Ami hakarak mantein rezultadu ne’ebé di’ak no Agrdese ba Instituisaun sira hanesan BNCTL, BRI,MANDIRI, ANCTL, BOLLORE, QUINTAL PORTUGAL, MGA, ha’u hakarak kongratula ba estajiadu sira hotu ne’ebé kompleta ona formasaun abilidade.” Nia subliña
Instituisaun PNUD nia agradesimentu tanba UNDP KOICA no Governu Timor-Leste kompromete ona atu esforsu asesu empregu ba joven Timor oan sira liuliu Graduadu Universitariu sira liu husi programa estájiu ne’e.
Iha fatin hanesan Emabixador Korea iha Timor-Leste Shin Mantaek mós hateten, mensajen ba estajiadu na’in 48 ne’e no parabéns ba estajiadu sira hotu.
“Hau nia parabéns ba estajiadu sira hotu maski difisil maibé imi konsege liu mai to’o etapa ida ohin ha’u-nia dezeju fiar katak ita boot sira nia pasu oin mai sai biban ba imi atu aprende liu tan no ita boot sira mak Timor-Leste nia esperansa.”Embaixadór Corea iha Timor-Leste Shin Mantaek hateten.
Husu labele remata de’it iha estajiadu ne’e husi 60% hetan ona servisu maibé dezafia 100% bele hetan hotu servisu depois Estajiu.
“Oportunodade hanesan ne’e depende ba ema ida-idak nia esforsu, maibé oinsá mak imi ultrapasa dezafius sira ne’e importante bele dezenvolve ita boot sira nia karreira ba oin, Ita mehi mesak de’it sei sai de’it mehi, maibé kaundu mehi hamutuk sei sai realidade, ha’u dezafia ita boot sira mehi ne’e tenke sai realidade.” Nia hateten.
Ba organizasaun no instituisaun 7 ne’ebé ohin temi ona agradese ba imi-nia laran luak bele simu estajiadu sira hotu.
“Agradese ba sekretáriu estadu SEFOPE no lideransa sira ba apoiu tomak programa ohin loron la’o ho di’ak ikus liu Agradese ba UNDP hahú husi primeiru to’o agora kontinua servisu makas halo susesu iha projetu Yees.”Nia akresenta.
Iha sorin seluk Sekretariu Estadu Formasaun Profissional no Empregu (SEFOPE) Alarico do Rosario mós hateten, Hodi Governu Timor-Leste nia naran apresia tebes ba programa ida ne’e, ba parseiru sira hotu durante ne’e fó apoiu tomak ba programa estájiu SEFOPE.
“Agradese ba Governu Corea liu husi KOICA durante ne’e apoiu programa estájiu Profissional no mós empregu ba foin-sa’e Timor-oan sira no agradese mós ba UNDP durante ne’e apoiu programa SEFOPE liuliu programa estájiu ohin ita halo lansamentu ne’e ba estajiadu na’in 48.”Nia hakotu.
Jornalista : Delfina Borges
Editór : Orlando Magno
