Manuel “Ha’u Presiza Ema Nia Tulun Atu Kontinua Kursu Lian Korea”

banner 120x600

(Dili) Mudansa – Ema hotu hakarak tebes tuir kursu lian korreia hodi ba servisu iha ema nia rai, suporta nesesidade uma laran, maibé situasaun ne’e diferensiá tebes ho negosiante Manuel de Carvalho ne’ebé deside hakotu ninia kursu lian korreia kontinua fali halo negósiu tanba ekonomia uma laran la sufisiente.

Negosiante Manuel de Carvalho informa, nia hakarak atu kontinua kursus ne’e, maibé ekonomia uma laran mak la sufisiente tanba laiha Ema Ida atu suporta entaun Manuel deside para kursu kontinua fa’an plástiku hakmaan inan aman hodi responde nesesidade uma laran.

“Ha’u para ona kursu tanba ekonomia fraku ho Ida ne’e, Ha’u iha hanoin balun ne’ebé atu hato’o hela ba ema laran luak sira karik iha posibilidade bele suporta Ha’u nia kursu Ida ne’e, tanba ha’u laiha forsa no kbiit la to’o atu kontinua kursu lian korreia,” dehan Manuel ba média mudansa iha Largo de Lesidere Dili, segunda 09/01/2023.

Manuel haktuir, situasaun Ida ne’e hanesan dezafiu, maibé la hamate ninia vontade atu hasoru dezafiu ne’ebé iha tanba Manuel prontu atu hasoru saida de’it Mak mosu iha nia oin

Nia afirma, Manuel fa’an plástiku hahú iha tinan 2020 até Agora, loron Ida bele hetan $.20 ou $.30 maibé osan hirak ne’e la natoon ba nia atu kontinua tuir kursu lian korreia ho ida ne’e Manuel deside hakotu nia kursu.

“Osan ne’ebé ha’u hetan husi ha’u nia negósiu ne’e, ha’u uza selu kós (uma aluga), sosa nesesidade uma laran no mós suporta ha’u nia biin na’in rua ne’ebé agora eskola Hela iha Pre-sekudaria iha aldeia Kaileti-ana suku Bui-Lale postu Ossu Municipiu Viqueque,” Manuel esplika.

Manuel de Carvalho orijen Husi Aldia Kaileti-ana suku Bui-Lale postu Administrativu Ossu Municipiu Viqueque, oan husi Tomas Lopes no Etelvina da Costa, Manuel iha maun alin hamutuk na’in 6 kompostu husi feto na’in rua mane na’in haat.

Estajiadu MD : Zemidonio Martins

Editór              : Orlando Magno

banner 325x300