(Dili) Mudansa – Vendedor/á sira fa’an iha terminál Taibesi la’os la iha konsiénsia maibé nesesidade uma laran mak obriga sira atu fa’an iha fatin refere.
Vendedóra Obralan Marquita Ximenes informa, loos duni terminál iha merkadu Taibesi fatin ba karreta ho motór atu para entaun ema labele fa’an sasán iha terminál, maibé nesesidade uma laran obriga sira tenke fa’an iha oras tuku 05:00 – 06:00 lokraik.
“Guarda munisípiu sira mai sobu ne’e loos duni tanba sira nia devér mak ida ne’e, maibé nesesidade Mak obriga Ami Mai fa’an iha ne’e, la’ós ami mak la iha konsiénsia,” dehan Vendedora Mesquita ba mediamudansa iha terminál merkadu Taibesi Dili, sesta 23/12/2022.
Mesquita haktuir, nia fa’an sasán iha merkadu laran maibé sasán la folin ba sira tanba kondisaun Fatin Tama iha moru laran entaun Ema la Tama, tanba ne’e sira sente ladún di’ak ho ida ne’e sira fa’an iha terminál laran hodi hetan netik rendimentu oituan.
“Ami fa’an iha fatin ne’e, sábadu no domingu iha oras tuku 5:35 lokraik de’it signifika ami fa’an fora husi oras Servisu, Nia dehan tanba ema balun fa’an iha dalan ninin mai taka ona ami nia dalan entaun ami nia sasán la folin iha laran ne’ebá,” Mesquita relata.
Nia esklarese, agora vendedór/á aumenta ba beibeik, tanba mai husi munisípiu aumenta barak ba beibeik depois estudante sira mós barak , hakarak Hala’o negósiu entaun Fatin ba Sira laiha.
Negosiante Maquita hateten, ema hotu hatene merkadu nasionál iha rua de’it mak hanesan merkadu Manaleu-ana no merkadu Taibesi, tanba ne’e nia husu ba parte relevante atu prepara Fatin ba vendedór/á Sira ne’ebé mak fa’an iha dalan ninin no muda Sira ba merkadu Taibesi no Manaleu-ana.
“Tuir lolos Sira ne’ebé fa’an iha dalan ibun ne’e, Duni hotu mai iha merkadu laran, nune’e Ami fa’an sasán folin karik folin hotu, no la folin karik la folin hotu, maibé realidade ema iha dalan ibun kontinua fa’an, Sira (guarda munisipál) Mai Duni fali Ami iha Merkadu laran ne’e ba Mai de’it, ida ne’e Ami la satisfás,”nia afirma.
Iha fatin hanesan, Vendedora Domigas Bosa deklara, sira hatene mós la bele fa’an iha terminál laran tanba karreta ho motór Nia para Fatin, maibé negosiante balu sai husi merkadu laran hodi fa’an iha terminál entaun Domingas ho inisiativa tenke fa’an iha terminál.
“Maluk Sira sai Mai terminál ne’e di’ak, Ami sulan iha moru laran ne’ebá hanesan animál Sira ne’ebé iha moru laran ne’e, maibé ami mós presiza hetan rendimentu husi ami nia negósiu ne’e tanba ami moris depende de’it ba negósiu,” Domingas afirma.
Domingas realsa, Tuir sira sai husi merkadu laran fa’an iha terminál Laos Ema Ida Mak autoriza sira rasik hakarak fa’an ne’e tanba nesesidade obriga obriga sira.
“Se Guarda Munisipial sira mai hadau sasán, ami husik de’it tanba respeita sira nia servisu, no sente ami nia an sala, maibé nesesidade mak obriga ami mai fa’an iha fatin ne’e, se la hadau ami nia sasán sira ne’e ami hodi halai maibé atu dehan de’it, ami la na’ok no Ami la hadau ema nia sasán maibé hikis kosar Mak Ami hetan dolar ida-rua iha udan turuk no loro-manas nia laran,” nia deklara.
Estajiadu MD : Zemidonio Martins
Editór : Orlando Magno
