(Dili) Mudansa – Dekonfia Pesoal Guarda munisipál munisípiu Dili ida hasai linguajen la edukativu ba vendedores Taibesi sira bainhira hala’o servisu iha área Taibesi resintu terminál merkadu Taibesi.
Situasaun ne’e akontese bainhira ekipa Guarda munisipál haruka vendedores ne’ebé fa’an iha terminál merkadu Taibesi atu ba iha ida-idak nia fatin ne’ebé baibain sira fa’an, maibé mosu diskusaun uitoan entre Vendedores ho Pesoal Guarda Munisipal.
Vendedora Mesquita Ximenes informa, nia parte la satisfás ho linguajen ne’ebé pesoál guarda munisipál ko’alia sai ba sira tanba liafuan refere la’ós edukativu atu motiva ema.
“Ami la satisfás de’it katak Sira (Guarda munisipál) Mai ho linguajen ne’ebé Mak ladún di’ak hanesan maledukadu ba Ami ne’e Mak Ami ladún satisfás ho Sira Nia linguajen ne’e,” dehan Negosiante Marquita ba Mediamudansa iha terminál Merkadu Taibesi Dili, Sexta 23/12/2022.
Mesquita sujere, Menbru Guarda Munisipal sira bainhira hala’o servisu tenke profisionál iha buat hotu no mós evita linguajen ne’ebé atu hakanek ema nia sentimentu.
“Ami husu Dala Ida Tan ba membru Guarda Munisipal sira karik Mai ko’alia ho Liafuan ne’ebé Mak merese atu ko’alia ba Ami vendedór/á Sira, labele Mai ho emosaun no labele Mai ho liafuan ne’ebé mak maledukadu ba Ami vendedores Sira,” nia rekomenda.
Nia deklara, sira fa’an obralan (ropa uzadu) loke primeiru Ema sei Sosa Duni, maibé Liu Tia loron rua ka tolu Ema la Sosa ona tanba ne’e mak vendedór sira hakarak fa’an iha terminál nune’e ema sira ne’ebé ba sosa modo bele sosa netik sira nia ropa ne’ebé sira fa’an.
“Ami la koopera ho sira katak dehan ami mai fa’an iha ne’e, Ida ne’e Ami Nia hakarak rasik mak ami mai fa’an iha ne’e, Neen Ema Ida Mak atu autoriza inklui Xefe mós la autoriza Ami atu fa’an iha ne’e maibé nesesidade mak obriga ami atu fa’an iha ne’e,”Mesquita realsa.
Iha fatin hanesan jornalista média mudansa konfirma xefe ekipa guarda munisipál nian atu konfirma kona-ba linguajen ne’ebé deskonfia ko’alia sai husi membru Guarda munisipál ida, maibé Xefe ekipa ne’e la fó komentáriu ba jornalista média mudansa.
Estajiadu MD : Zemidonio Martins
Editór : Orlando Magno
