(Díli), Aeroportu Internasional Nicolau Lobato, 23/06/2026 – Kadaver eis Prezidente Repúblika, Francisco Guterres “Lu Olo”, to’o iha Aeroportu Internasional Nicolau Lobato, Dili, hafoin translada husi Kuala Lumpur, Malázia mai Timor-Leste, iha momentu tristeza ida ne’e, Governu no família simu diretamente ho laran triste tebes tanba lakon ema diak ida ne’ebé durante ne’e kontribui ba prosesu dezenvolvimetnu nasaun no familia.
Sekretáriu-Jerál Partidu FRETILIN,Mari Alkatiri hatete katak, lakon Francisco Guterres “Lu Olo” reprezenta perda bo’ot ida ba nasaun tanba nia hanesan luta-na’in no lider ida ne’ebé dedika nia-an ba independénsia no soberania Timor-Leste.
“Ita lakon ona lider ida ne’ebé durante nia moris tomak fó nia kontribuisaun ba nasaun, ami hato’o ami nia kondolénsia ba família no povu Timor-Leste tomak,” dehan Dr. Mari Alkatiri hafoin simu kadaver maktoban Francisco Guterres “Lu Olo” iha Aeroportu Internasional Nicolau Lobato Díli,23/06/2026
iha fatin hanesan,Lideransa Maxímu Prezidente Partidu Libertasaun Popular (PLP) no eis Prezidente Repúblika José Maria Vasconcelos “Taur Matan Ruak” informa, povu Timor-Leste lakon ema di’ak ida, hanesan eis Prezidente Repúblika Francisco Guterres “Lú-Olo”, ne’ebé ema disiplinadu no dedikadu ba nasaun.
”di’ak sira ne’ebé “Lú-Olo” husi hela ba ita hotu sai hanesan ezemplu no dalan ida ne’ebé ita tenke kontinua tuir, hodi lori ita-nia nasaun ba oin no harii moris di’ak ba povu tomak” nia haktuir.
Nia relata katak,ema hotu tenke hamutuk kombate kiak, dezempregu no difikuldade sira seluk ne’ebé nasaun sei enfrenta, tanba vitoria ne’ebé hetan tenke sai fundamentu ida atu hari’i futuru ne’ebé di’ak liu tan ba gerasaun sira tuir mai.
Nia argumenta katak,ba oan kiak sira sei la hela mesak, tanba povu no Estadu Timor-Leste sei nafatin hamutuk ho sira iha tempu susar ida-ne’e.
Enkuantu iha Aeropotu Internasional Nicolau Lobato Díli, membru Governu, no veteranu inklui ho komunidade no estudante sira, hamutuk ho instituisaun seguransa Falintil Forsa de Defesa Nasional Timor-leste (F-FDTL) no Polisia Nasional Timor-Leste (PNTL) hodi simu ho parada Militar ba Maktoba Saudoso Francisco Guterres “Lu Olo”,nune’e mos família simu maktoban tuir kultura no tradisaun Timor oan, ho lian materna no ritual sira ne’ebé respeita valor kulturál no espiritual.
Ekipa Média Mudansa
