Governu Presiza Tau importánsia Ba Produtu Lokál La’os Importasaun

banner 120x600

(Dili) Mudansa – Governu presiza tau prioridade ba produtu lakan ne’ebé orijen husi Timor-Leste rasik la bele tau importánsia demais ba produtu ne’ebé halo importasaun husi rai li’ur tanba Timor mós iha produtu barak maibé governu mak la tau matan ba produtu hirak ne’e.

Negosiante Ambolante nuu,Lucio Da Costa Xavier, ne’ebé durante ne’e  fa’an nuu, iha Kapital Dili, hodi sustenta família maibé produtu ne’ebé nia fa’an ema la du’un sosa tanba ne’e nia husu ba governu bainhira halo importasaun signifika iha Timor la iha mak bele halo importasaun.

“Husu ba Governu tenke tau importánsia ba produtu lokál iha Timor  tanba produtu ne’e  hanesan Fundasaun  ka rikusoin orijinál  Timor  nian, ne’ebé husu ba parte relevante Sira  tenke Toma atensaun másimu ba produtu iha Rai laran la’ós garantia de’it ba importasaun,” dehan Lucio ba Mediamudansa iha aredores Palasiu Governu, Segunda, foin lalais.

Lucio afirma, nia hahú fa’an nuu Iha tinan 2016 to’o agora, hodi hale’u sidade Dili, maski hetan osan ne’ebé ho montante ki’ik, maibé susar ba nia atu sustenta nesesidade uma laran tanba ne’e nia hakarak fa’an fali produtu seluk maibé governu presiza evita importasaun husi rai li’ur.

Nia haktuir, ukun loron ida nia bele hetan osan $.30.00 bele hetan to’o $.40.00, tanba nuu ne’ebé nia fa’an fuan ida ho folin $.1.00 maibé kada loron Lucio sempre sosa hamutuk 50 no mós nuu fuan ida $.0.50 mak nia fa’an fali ho folin $.1.00.

“kada loron sorte di’ak liu ami hetan $.15.00, dala ruma sorte laiha bele hetan de’it $.5.00, ami dudu ba dudu mai de’it iha Dili laran hotu, komesa tuku 7:00 ou tuku 8:00 ne’e ami sai ona fa’an Nú fila ba uma, Iha tuku 6:00 ou 5:00 Loraik ou bele Mos to kalan,” Lucio relata

nia esplika, Maski Rezultadu husi Lucio nia negósiu ne’e ki’ik liu no susar tebes atu hetan osan, maibé nia obriga an, atu nafatin hala’o atividade negósiu nian hala’o tanba susar tebes atu hetan fatin servisu iha fatin balu ne’ebé nia hakarak.

“Nuu ne’ebé ha’u fa’an labele liu loron tolu, bainhira la hotu obrigatóriu ami tenke soe,no hola fali Nú foun hodi fa’an, Osan ne’ebé Hau hetan, hodi atende ba ha’u nesesidade ne’ebé Hau presiza no balun rai,” Negosiante Ambulante ne’e konta.

Estajiadu : Zimidonio Martins

Editór       : Orlando Magno

banner 325x300