(Dili) Mudansa – Bainhira Kampaña, mak Partiku Politiku sira Insulta malu iha palku, Konselho Imprensa Timor-Leste (KI) konsidera lixu hafo’er povu nia pensamentu tan ne’e, jornalista labele halo kobertura no publika informasaun kona-ba insulta malu ka tarata malu.
Prezidente KI Virgilio Guterres informa, Media sira ne’ebé halo tranzmisaun direta, se bele iha komprimisiu ho partidu polítiku ne’ebé hakarak halo tranzmisaun direita nune’e labele uza linguajen ne’ebé la apropriadu iha tranzmisaun direita.
maibé di’ak liu maka média sira evita tranzmisaun direita iha tempu kampaña tanba ema barak hatene iha palku polítiku ema balu sempre ataka ema seluk.
Nia esplika, jornalista nia informasaun sai fontes fó naroman ba públiku hodi hatene programa partidu polítiku sira nian atu nune’e sira bele hili partidu ne’ebé tuir nia fiar, konsiénsia bele hadi’a sira nia moris, ida ne’e maka objetivu husi Sensibilijasaun.
“husu ba Jornalista sira kuandu partidu polítiku sira ataka malu trata malu iha kampaña lalika kobertura no lalika halo publikasaun tanba ita labele fó lixu ba ita-nia leitores sira, ataka pesoál ne’e ita konsidera lixu,” Dehan Prezidente KI Virgilio liu husi nia diskursu antes loke abertura, Sensibilijasaun reportajen eleitorál ba jornalista no média, iha Golden Start Audian Dili, Kinta 01/12/2022
Virgilio haktuir, Conselho imprensa sei buka no fó hanoin nafatin ba média sira ne’ebé live streaming, ka tranzmisaun direta atu kuidadu ho tendénsia ida ne’e,
“Ita-nia eleisaun ida ne’e maka ita sei halo komunikasaun ho organizasaun komunikasaun sosial televizaun sira atu iha toma atensaun ba linguajen sira ne’ebé la propriadu,” Nia hatete.
Jornalista : Azelio da Cruz
Editór : Orlando Magno
