(Dili) Mudansa – Alexandre Mendonça ho tinan sanulu resin (12) Hela iha Fatumeta, esforsu an fa’an haas hale’u kapitál Timor-Leste, sidade Dili hodi prepara finansiál nune’e bele kompleta atributu eskola ne’ebé nia sei presiza, Tamba Alexandre iha mehi boot hakarak sai F-FDTL iha futuru.
Maski idade sei ki’ik maibé nia lakohi dependénsia de’it ba inan-aman tanba dadaun ne’e Alexandre nia Papa kondisaun la du’un di’ak tan moras Struuk entaun nia mama de’it mak buka osan hodi sustenta nesesidade uma laran tan Alexandre iha fuan boot hakarak ajuda ninia mama hodi hakmaan esforsu inan nian.
Idade ki’ik otas nurak fuan osan mean ho hanoin ne’ebé luan iha mehi boot hakarak esforsu an liu husi negósiu ki’ik ne’ebé ema balu la bele halo maibé situasaun no kondisaun obriga Alexandre tenke servisu buka osan hodi ajuda inan-aman no prepara ba nia futuru hodi atinji metas ne’ebé nia iha.
“Hau fa’an haas ne’e, atu sosa kadernu no lapizeira tanba ha’u-nia apá moras estruk la’o ladi’ak loron kalan iha de’it uma entaun ha’u esforsu an nonok, fó hatene amá sosa haas ha’u fa’an, hodi ajuda amá no mós osan balu rai hela nune’e aban bainrua tama eskola ha’u uza hodi sosa buat ne’ebé ha’u presiza tan nia mehi ba futuru hakarak sai F-FDTL ,”dehan Alexandre ba jornalista Média Mudansa Iha Jardim 05 dé maiu Tersa 29/11/2022.
Alexandre haktuir, haas ne’ebé Nia fa’an loron Ida lori haas $.10, sorte di’ak ema sosa hotu, sorte la iha ema Sosa $.5 ou $.6, osan ne’ebé nia hetan husi fa’an haas balun rai hela, balu sosa fali haas husi ema no osan balu fo ba ninia mama.
“Bai-bain tuku 09:00 dadeer-saan ha’u sai husi uma Fatumeta fa’an haas to’o oras meudia ha’u ba fali uma hodi prepara an ba eskola, tanba ha’u eskola iha Fatumeta SD 13 klase 5, maibé agora sei feriadu entaun tuku 04:00 lokraik mak ha’u foin fila ba uma,” Alexandre informa.
Iha sorin seluk, Juliana Olga Barreto inan husi Alexandre Mendonça haktuir, bainhira labarik sira hakarak eskola nia prontu suporta oan sira nu’udar inan nunka husik oan sira atu la’o mesak bainhira inan nia prezensa sei mosu iha mundu.
“Alexandre Hakarak sai FDTL ne’e konforme nia, ha’u nu’udar inan suporta ninia hakarak, nia mós dehan mai ha’u hakarak eskola atu sai Forsa ne’e mak Nia dehan mai ha’u sosa haas fa’an hodi sosa kadernu, lapizeira ba eskola hodi uza,” Juliana rekoñese.
Olga Hatutan, Alexandre eskola gratuitu inan-aman Sosa farda, kadernu, lapizeira no osan rejistu eskola $.30 dolar ne’e de’it, Nia apá atu bele ga labele mós inan bele suporta nia ba eskola, baibain tuku 09:00 Alexandre ba fa’an hotu fila ba uma kontinua ba eskola.
“Nia fa’an hanesan ne’e, ha’u hanoin nia maibé Nia mós Hanoin tan ha’u, entaun nia tuir ha’u hodi dehan ha’u tenke tuir ha’u-nia amá hodi fa’an haas lai, maibé foin lalais nia ezame ha’u la haruka Nia fa’an, maibé nia hanoin ha’u Lao husi Fatumeta mai hein ha’u haree haas nanotak hela ajuda fa’an fali,” Olga konta.
Alexandre Mendonça iha Maun alin hamutuk na’in 11 kompostu husi feto lima Mane neen Alexandre oan da ualu husi Maun alin 11.
Jornalista :Domingas Viana
Editór : Orlando Magno
