(Dili) Mudansa – Secretariu Estadu Komunikasaun Sosiál (SEKOMS), Mericio Juvinal Dos Reis “Akara” nia parte husu ba joven sira liuliu konten kreator youTuber Sira tenke sai motivador ba ema seluk bainhira uza Plataforma dijitál iha dijitalizasaun ida ne’e.
Akara haktuir Joven Kreator Youtuber tenke sai sentru ba ema seluk, tanba era dijitál Agora tradisaun foun, Kultura foun, ne’ebé mundu oferese Mai iha Timor, entaun Sei la sees husi opsaun ne’ebé iha maibé tenke hasoru no banati tuir.
“Nasaun ki’ik utiliza plataforma ne’e ba Ita Nia di’ak, nasaun nia di’ak, entaun Ita-nia autór sira mak determina ba plataforma katak konteúdu ne’e edukativu ka lae, inspiradu ka lae, motiva Ema ka lae, no halo Ema sai matenek ka lae, Ida ne’e Mak determina,” dehan Akara liu husi ninia diskursu iha serimónia fahe prémiu ba konten kreator youTuber Sira, iha Pusat Budaya Kaikoli Dili, kuarta, 30/11/2022.
Nia reafirma, Governu tenke iha pozisaun prepara sidadaun sira atu utiliza plataforma Sira Entaun hotu-hotu sai sosiál média influénsia hodi fó informasaun ne’ebé inspira ema entaun bele kontinua ho konteúdu ne’e maibé nafatin tau atensaun.
Akara afirma, iha ambiente foun ne’e, Governu hatene informasaun nesesáriu ba globalizasaun Agora, se Mak domina informasaun ka domina netraliti Nia mak manda.
“Ita hatene informasaun ne’e hanesan Poder, Edukasaun, iha informasaun Ida poténsia, no informasaun matenek, nune’e fó informasaun di’ak liu Tan ba Ita Nia sivilizasaun liuliu ba atór Sira ne’ebé importante Liu husi meius Komunikasaun plataforma Sira hotu iha mundu inklui Timor,” Akara esplika.
Iha sorin seluk, Konten Kreator Youtuber, Adde Xavier argumenta, nia sente orgullu tanba sai mana na’in dahuluk ba kompetisaun Konten Creator youTuber.
“Hau Agradese tebes ba atividade Ida ne’ebé Mak sai hanesan Hau Nia talentu halo vídeo depois upload ba youtube vídeo hira ne’e halo bainhira ba vizita Fatin ne’ebé úniku no dook, ha’u hakarak esplora turizmu nia furak iha Timor ba nasaun seluk,” Adde akresenta.
Adde konta, Iha Tinan kotuk nia tuir Kompetisaun hanesan sai manan na’in ba dahaat maibé tinan ne’e Adde sai vensedór, Eperansa ba nia Koko promove atu di’ak liu Tan.
Iha serimónia fahe prémiu kontajen Creator ne’e, partisipa husi Embaixador Indonesia, Embaixadór Nova Zeladia, Ministru Ensinu Superior Siénsia Kultura, Sekretáriu estadu Igualidade Inklusaun, Sekretáriu Estadu Joventude Desportu, Secretariu Estado Arte No Kultura, Presidente Konsellu Imprensa, no mós Delegasaun UI inklui entidade sira.
Estajiadu : Zimidonio Martins
Editór : Orlando Magno
