AMN “Ezize” Horta Veta OJE 2023, Bainhira PN Avansa Sosa Karreta

banner 120x600

(Dili) Mudansa – Aliansa Maubere Nasionál (AMN), realiza komunikadu Imprensa Kontra Polítika Parlamentu Nasionál, tanba la konkorda dialogo entre parlamentu Nasional  (PN) no AMN tanba nee AMN husu Prezidente Reepublika Demokratika Timor-Leste José Ramos Horta Atu veta Orsamentu Jeral Estadu (OJE) 2023 bainhira PN obriga sosa kareta.

Nune’e Mos Menbru AMN Fracelina Auria Freitas De Piedade informa, nafatin husu ba PR (Presidente Republika) Jose Ramos Horta atu Uza Kompetensia konstitusional Hodi Veta OJE.

“Ami nafatin husu ba Prezidente Repúblika José Ramos Horta atu uza konstitusionál hodi veta OJE, kuandu alokasaun la ba iha setór estratéjiku sira no PN nafatin integra osan ba sosa karreta-foun,” dehan Menbru AMN Fracelina ba jornalista liu husi komunikadu imprensa iha Kampus sentral Dili, kuarta 30/11/2022.

Katak nia, Ohin, loron-ikus hosi semana da-4 ba asaun pasifika no edukativa ne’ ebé lidera hosi Aliansa Maubere Nasioná Hanesan públiku hatene, asaun ida-ne’e moris ho objetivu rua.

“Asaun pasifika ne’e nu’udar meiu ida hodi fó edukasaun polítika ba povu, ne’ ebé konsege kria kondisaun atu povu hahú kestiona partidu sira, elite-polítiku sira, kestiona produtu polítika no lei sira mak daudaun ne’e kesi-metin hela ita-nia sosiedade,” Fracelina informa.

Iha fatin hanesan, Portavós AMN Leonisio Benvindo Mariz argumenta, PN la konkorda AMN ninia ezijensia ne’ebe hato’o, Sira nafatin hakuak metin Lei Pensaun Vitalisia ne’ebe hakiak injustisa boot iha povu terus nia Leten.

Nia deklara, Ema hotu haree Orsamentu Jeral estadu ne’e povu nian, neebe Aloka ba setor estrateziku ki’ik teb-tebes, no ikus Liu kona-ba Lei Numeru 1/2006 nu’udar tendensia pasismu no Lei kolonialismu iha Timor nafatin eziste.

“Ami apresenta nu’udar injustisa boot Rai no nasaun Ida ne’e, maibe parlamentu Nasional la konkorda no la iha solusaun ho nune’e AMN uza desmostrasaun no dialogu hirak ne’e hotu la iha solusaun, ohin AMN afirma Nia pozisaun foun iha kauza desmostrasaun direta,” nia realsa.

Portavos AMN Leonisio haktuir, sira kestiona Parlamentu Nasional atu Salva orsamentu estadu no Salva prisipiu hirak ne’ebe uluk eroi sira sakrifika Aan.

“Ita tenki kestiona Sira atu Ita bele Salva Ita Nia orsamentu estadu no Salva prinsipiu Sira ne’ebe uluk Ema hotu sakrifika Aan ba, tanba durante rekursu hotu-hotu ou meius hotu-hotu ne’ebe AMN uza laiha solusaun,” Leonisio hatete.

Estajiadu             : Zimidonio Martins

Editór                    : Orlando Magno

banner 325x300