Domingos Husu Governu Atu Halo Investimentu Ba Uma Mahon

banner 120x600

(Dili) Mudansa – Forum Fundasaun Komunikasaun Joventude (FFCJ), realiza serimonia hodi komemora loron mundial labarik sira nian FFCJ husu governu atu Investe ba Uma Mahon iha rai laran.

Prezidente Bor FFCJ Domingos Amaral informa, governu presiza atu halo investementu boot ba Uma Mahon, tanba uma Mahon servisu dereita ba ema no labarik sira ne’ebé mai ho violasaun no problema oioin.

Prezidente Bor FFCJ Domingos Amaral halo hela diskursu iha serimonia komemorasaun loron Mundial Labarik ne’ebé realiza iha Uma Mahon Balide Dili. Segunda 21/11/2022. Photo Zemidonio

“Husu ba governu tenke apoiu makaas Liu ba uma mahon iha Timor laran tomak tanba Kazu barak agora tau Hela iha ne’e, entaun Ita presiza kontribui ba labarik sira tanba iha Uma Mahon presiza tebes apoiu Husi governu inklui parte hotu-hotu,” dehan Presidente Bor FFCJ Domingos Amaral ba MediaMudansa Uma Mahon Balidi Dili, Segunda 21/11/2022.

Domingos afirma, kada tinan FFCJ sempre komemora loron mundial labarik nian hodi fó ksolok ba labarik sira iha Rai laran liuliu hirak ne’ebé hela iha uma Mahon.

“Ha’u hanoin atividade ida ne’e hanesan kultura ida ba iha FFCJ tanba tina-tinan ami sempre selebra loron mundial labarik nian nune’e sira sente la mesak, liu husi Ita hotu nia kontribuisaun nune’e sira bele la’o ba oin ho futuru ne’ebé di’ak,” Domingos Deklara.

Prezidente Bor FFCJ Domingo afirma, ema hotu presiza kontribui no hala’o servisu Hamutuk hodi proteze no prevene labarik sira Husi konflitu no violasaun oioin.

“Ita mak sai hanesan orientadór no implementadór ba labarik sira tanba ne’e ema hotu-hotu tenki iha responsavel ba labarik,Tantu se de’it,” Domingos relata.

Nia informa, komemora loron mundial labarik nian ne’e loke mós jogu ba labarik sira hanesan, halimar berlindus, dansa kadeira, dansa bulaun, no seluk tan hodi anima labarik Sira iha momentu hanesan ne’e.

“Jogu oioin ne’ebe Ita halo, la’os FFCJ Mak oferese premiu maibé parseiru sira hanesan, ALFELA, viziñu no mós parseira sira seluk ne’ebé sempre apoiu ami,” Domingos deklara.

Nia rekomenda, husu ba alin kiikoan sira labele sente mesak waihira hetan situasaun difisil, amiasadu ka iha situasaun violasaun ruma lalais hatete ba inan-aman rasik ou bele Mai iha uma Mahon, sira proteze Ita boot Sira Husi violasaun oioin.

Nune’e mós representante INDICA João Bosco hato’o ninia votu parabens ba labarik sira iha mundu liuliu ba labarik sira iha Timor-Leste.

Estajiariu/a MD : Zemidonio Martins / Delfina Madeira.

Editór : Orlando Magno

banner 325x300