(Baukau) Mudansa – Governu liu husi Servisu Municipal Asaun Sósial (SMAS) realiza formasaun ba komunidade sira iha Venilale Baukau, kona-ba oinsá negosiante sira atu jere osan ho di’ak iha atividade negósiu, no mós inpoderamentu ekonomia ba feto iha Negosio ki’ik.
Timor-Leste nu’udar Nasaun ida Onestu ho lideransa tuir kontribuisaun, hakbiit ninia ema, liuliu feto iha área edukasaun, Ekonomia, Paz no Seguransa iha futuru hodi partisipa iha dezenvolvimentu nasionál.
Diretóra SMAS, Regina de Sousa informa, Objetivu ba atividade ida ne’e, haree liu ba Asaun Sosial no mós programa igualdade Zeneralizasaun inpoderariu ekonomia Negosiu feto nian,
“Ami fó apoiu ba ema liu husi formasaun hirak ne’ebé, Ohin fahe ona ba komunidade sira, atu komunidade sira bele iha koñesimentu oinsá jere osan ho di’ak iha atividade negósiu nune’e sira bele sustenta família uma laran,” dehan Diretora SMAS ba Jornalista iha Venilale Baukau, kinta, 27/10/2022
Diretóra SMAS Reginha haktuir, atividade kona-ba inpoderamentu Ekonomiku feto, foin hahú primeiru vés iha Postu Administrativu Venilale tanba SMAS diresaun foun maibé la’o tinan ida resin ona.
“Formasaun ida ne’e ami loke oportunidade ba de’it feto sira ne’ebé iha inisiativa atu halo negósiu,” Regina afirma.
Iha fatin hanesan, Partesipante Jucelina Belo Ximenes relata, nia parte sente kontente tebes bainhira SMAS fahe ona formasaun kona-ba oinsá atu jere osan iha atividade negósiu.
“Hau sente furak tebes ho formasaun ne’e, tanba bele aumenta ha’u-nia esperiénsia no kapasidade kona ba Negosiu nia, tan ne’e ha’u husu SMAS labele para ho formasaun ida ne’e Tenki kontinua ba maluk sira seluk,” Jucelina deklara.
Orsamentu ne’ebé gasta ba formasaun ne’e hamutuk $.1.000.00, iha ne’ebé uza orsamentu ne’e hodi sosa fasilidade hirak ne’ebé presiza iha formasaun hanesan, kadernu, lapizeira no mós prepara hahán ba partisipante sira.
Jornalista : Estajiadu
Editór : Orlando Magno
