(Dili), Mudansa – Vise-ministru Komérsiu Indústria, Domingos Lopes Antunes informa, dijitalizasaun, kona-ba estudu merkadoria, ema halo negósiu, manán ka lae, tenke prepara informasaun, én jerál governu apoiu transforma dijitalizasaun bá atividade komérsiu no negósiu nian.
“Atu minimiza ekosistema tenke transforma bá eletrónika, ohin ita ko’alia dijitalizasaun ekosistema la’ós bá ema sosa sasán online de’it maibé iha buat barak, atu fasilita servisu alfándega nian hanesan janela úniku bá komérsiu,” dehan Vise MKI Domingos Antunes iha Auditorium Kay-Rala Xanana Gusmão, Ministeriu Finansas Tersa 18/10/2022.
Antunes Afirma, Ajensia sira introdús lisensiamentu komersiál atividade ekonómika, tempu agora governu hanoin ba Asean hakarak diversifika ekonomia tanba buat balu tenke uza dijitál lisensiamentu komersiál, importasaun husi karantina tenke dijitaliza
“Ita boot sira aprova ona atu dada kabu fiber optic, ne’e ho ideia ida atu minimiza ita-nia komérsiu halo efisiente liu maka fasil bá setór privadu sira atu halo tranzisaun online ita halo hela atu fasilita ida ne’e,” Antunes esplika.
Antunes esplika, intervensaun ida maka bá ekosistema mikropekenas no média empreza ne’e la’ós atu fó kredit de’it, maibé governu rezolve ona problema kréditu, introdús suave funan ki’ik (3%).
“halo kréditu husi $. 1 míl to’o $. 1 millaun, ho funan ki’ik (3%) bele inpresta durasaun tinan 10 maibé ne’e, la’ós rezolve programa setór proibidu mikropekena, ita hare governu hare ekosistema tomak oinsá atu apoiu mikropekenas média emprezas liuliu formasaun edukasaun ne’e importante,” Antunes haktuir
Nia tenik, iha parte ida governu prepara lei atu fasilita dijitál, lei ne’e ba tranzmisaun eletrónika no pagamentu eletrónika.
Jornalista : Azelio da Cruz
Editór : Orlando Magno
