Horta Esforsu Atu Apoiu Média Privadu Iha TL.

banner 120x600

(EUA) Mudansa – Hakarak Dezenvolve Media privadu iha Timor-Leste, Prezidente Repúblika (PR), José Ramos-Horta, esforsu hodi hala’o enkontru ho Billionáriu Amerikanu, Na’in ba Open Society Foundation Giorge Soros (OSF), iha Estadu Unidos Amerika oinsa bele apoiu media privadu iha Timor-Leste.

“Klaru hau preokupa númeru 1 mak mídia privada, no apoia ne’ebé ha’u buka ba de’it mídia privadu la’os ba mídia governu hanesan RTTL no media seluk neebe hetan osan husi governu,” dehan PR Horta, liu husi press releation iha ONU sábadu 24/09/2022, fim semana ne’e.

Prezidente Horta informa, delegasaun husi OSF vizita ona Timor, hodi diskuti programa espesiál ne’ebé fundasaun ne’e atu implementa, liu-liu feto iha negósiu, mídia no demokrasia iha mundu.

maibe Horta lakohi rona apoiu kona-ba “training”, tanba nia hakarak haree apoiu konkretu ba mídia mak saida?
Nia deklara, mídia privada inklui mós “online” ne’ebé ho nia rekursu rasik sempre hasoru difikuldades oioin tanba ne’e Horta husu apoiu husi governu ou fundasoens iha rai li’ur.

Núne’e jornalista sira bele iha ekipamentu, no infraestrutura ne’ebé di’ak hodi dezenvolve informasaun iha mundu internasional espesial nasaun Timor-Leste.

“Favór tau osan apoiu ba ekipamentu apoiu ba sede infraestrutura mídia sira-nian, maibe ha’u sei ko’alia ho sira, tanba OSF rasik hakarak apoia no hadi’a infraestrutura ba mídia privada sira iha Timor-Leste,” Horta rekomemda.

Prezidente Horta mós pronto atu buka apoiu ba nasaun seluk hanesan Korreia no seluk tan, hodi apoia mídia estatal hanesan RTTL.Ep, maibé kestaun ne’e tenke koordena ho governu, tanba instituisaun mídia iha papel importante hodi habelar informasaun.

Núne’e mós, antes PR Horta hala’o enkontru ho Na’in Open Society Foundation, maibé Xefe Estadu sorumutu uluk ho Giorge Soros nia oan mane hamutuk ho eis Vise Primeiru-Ministru Inglaterra atuál CEO Open Society Foundation.

Jornalista :Ekipa MD

Editór       : Orlando Magno

banner 325x300