(Dili), Mudansa – Produtu lokál hirak ne’ebé fa’an iha merkadu Manleuana barak mak dodok no namlaek ona tanba kompradór menus atu sosa ai-han lokál.
Vendedór Gaspar Pereira informa, , uluk fa’an sasán Iha Merkadu Komoro ema sosa netik, maibé muda fali mai Merkadu Manleuana susar tebes hetan osan tanba ne’e rendimentu menus kompara fa’an sasán Iha Merkadu Comoro.
“Kada loron ema la sosa, produtu, barak mak hetan estragus ita-nia osan lakon le’et de’it,” dehan Vendedor Gaspar ba jornalista Iha Manleuana Dili, Domingo, (14/08/2022).
Vendedór Gaspar esplika, Primeiru muda husi Merkadu Comoro mai Iha Merkadu Manleuana atu loke kios, maibé to’o fatin ne’e kios fatin laiha, entaun sasán kios nia mós lakon leet de’it.
“Produtu ne’ebé fa’an mak hanesan, talas, hudi, lakeru, tomate to’o namlaik balun dodok soe estraga de’it, maski governu prepara fatin, maibé Komprador mak menus,” Gaspar deklara.
Nia Konta, dala ruma negosiante balun ba fa’an fali Iha Elemloi, tanba lokraik ne’e rame entaun ema barak bele sosa produtu ne’ebé sira fa’an, maski la barak oituan Iha nune’e sustenta família.
“Dala ruma loron ida la hetan osan, uluk fa’an iha Merkadu Comoro loron ida $30 ba leten, kuandu ema ladún sosa entaun loron ida hetan $5.00, maibé Iha Manleuana loron Ida mós ema la sosa sorte di’ak hetan $.3.00 ou $4.00.
Nia kestiona, besik eleisaun governu ka na’i ulun sira komesa hakbesik an ba povu hodi dehan hadi’a merkadu, hadi’a povu Nia moris maibé realidade, liu tiha eleisaun hetan tiha kadeira la besik sidadaun sira, povu nafatin terus.
Jornalista : Orlando Magno
Editór : Felisberto F. da Costa
