(Baukau), Mudansa- Ministériu Turízmu Komérsiu no Indústria hahu lansa tan kompetisaun negósiu inovativu datoluk tinan 2022 iha rejiaun Baukau ho objetivu atu promove diversifikasaun ekonómia hosi baze.
Programa kompetisaun negosiu inovativu datoluk ne’ebé lansa iha Baukau ne’e sei kobre munisípiu ha’at mak hanesan, munisípiu Lautem, Baukau, Vikeke no Manatuto.
“Hakarak konvida parte hotu-hotu liu-liu joven sira hanesan jerasaun foun ita tenke badinas ho ita nia matenek rasik dezenvolve seitór produtivu sira ba divesifikasaun ekonímia ida sustensav’el hanesan mehi ida ba libertasaun povu, hau harii moris di’ak hodi hatutan misaun lulik Liberta Patria ne’ebé ita liu ona,” dehan Vice-Ministru Komérsiu no Indústria, Domingos Lopes Antunes iha lansamentu KNI III iha Sentru Konvensaun Baukau, Sesta, (26/08/2022).
Nia hatutan, kompetisaun ne’e oferese ba foin-sa’e kreativu no inovativu sira ne’ebé mai ho ideia negósiu iha setór prinsípal sira hanesan, Agrikultura, Peskas, Turízmu, Komérsiu, Indútria, Teknolojia no inovasaun Ai-han.
Ho ojetivu atu kontinua fó apoiu kapasitasaun no ekipamentu ba foin-sa’e sira ne’ebé mai ho ideia úniku, diferente no inovativu relasiona ho negósiu sosiál ho nia intensaun atu motiva foin-sa’e sira investe iha setór produtivu sira ne’ebé orienta ba impaktu sosiál no valór aas ba ekonómia rai-laran no kontribui rezolve problema komunidade nian.
Nune’e, enkoraja ba joven emprezáriu sira no mikro pekenas no mediu sira, inklui koperativa no grupu joven sira ne’ebé iha ideia negósiu inovativu hodi hetan insentiva liuhosi ekipamentu sira ne’ebé presija bazea ba nesesidade negósiu ho valór hahu hosi dolar Amerikanu rihun ida ($ 1,000.00) to’o rrihun sanou ($ 10,000.00)
Iha sorin seluk, Elizibilidade ka sé mak bele aplika ba kriteria hirak ne’e mak deskreve iha kraik ne’e,
- Foin-sa’e feto, mane ho nasionalidade Timoroan.
- Idade hahu hosi tinan 18-35.
- Foin-sa’e sira ne’ebé mai ho ideia negósiu inovativu iha seitór produtivu sira ne’ebé mesiona ona iha leten.
- Atividade negósiu lokáliza iha munisípiu Lautem, Baukau, Vikeke, Manatuto.
- Foin-sa’e sira ne’ebé hahu ona atividade negósiu sosiál (start-up no ezistente)
Oinsa atu aplika?
Bele Vizita situs: Klik hodi priense no submente imi nia aplikasaun online.
- Bele hakat ba Diresaun Nasionál Apoiu no Dezenvolvimentu Mikro, Pekenas no Media, Empreza MTCI iha kada munisípiu, IADE munisípiu no Knua Juventude Fila-Liman hodi hetan formuláriu ho submete aplikasaun.
- Atu hetan informasaun detallu bele vizita pazina facebook MTCI, KJFL no UNDP.
- Data ikus hatama aplikasaun iha loron sesta, 16/09/2022.
Fontes: pazina ofisial Facebook MTCI
