(Dili), Mudansa – Diretór Jerál Turismu, Ministeriu Turismu Komersiu Industria (MTKI), Jelino Soares informa, Objetivu husi eventu feira sunset ne’e atu promove fatin turístiku no promove produtu lokál inklui promove mós produtu artezenatu ba mudun tomak.
DJ Jelino relata, Atividade ida ne’e MTKI fó oportunidade ba sosiedade, setór privadu sira atu envolve iha eventu ne’e atu bele fa’an no promove produtu hanesan artezenatu no produtu lokál sira, nune’e mós iha eventu ida ne’e fó oportunidade ba joven sira atu hatudu sira nia talentu.
“Ohin 12/08/2022, Ministeriu Turismu Komersiu Industri liu husi Diresaun Jeral Turismu hamutuk ho Diresaun Nasional Emprendementu ba atividade turístiku realiza sunset feira ne’e ho objetivu atu promove fatin turístiku Kristu rei hodi kontinua promove ba ita-nia turista estranjeiru sira,” dehan DJ Jelino liu husi ninia diskursu iha Kristu Rei Dili, Sexta (12/08/2022).
Nia esplika, MTCI sei realiza nafatin eventu ne’e tanba hetan apoiu husi liña ministeriál sira no mós husi setór produtivu sira nune’e bele kontinua promove no enkoraja setór produtivu sira bele ativu liu tan hodi dezenvolve produtu rai laran.
“Eventu feira ne’e enkoraja komunidade atu fa’an produtu no joven sira bele aprezenta sira nia talentu liu husi animasaun la haluha mós hato’o agradese wain ba partisipante sira ne’ebé partisipa iha eventu ne’e,” nia hakotu.
Jornalista :Orlando Magno
Editór : Felisberto F. da Costa
