(Díli) Fomentu ll- Prezidente Repúblika (PR), José Ramos-Horta, husu Estudante Institute of Business (sigla-IOB) atu estuda maka’as hodi domina lingua hanesan portugués no Ingles inklui lingua sira seluk hodi bele hetan bolsu estudu no estuda iha rai liur
“Ha’u husu ba estudante sira atu estuda maka’as no aprende barak liu aprende materia Matemátika no mós aprende Lingua Portugués no Ingles inklui lian sira seluk atu bele hetan valór di’ak hodi hetan bolu estudu ba rai liur, tanba Timor oan barak mak agora sai Professór no Doutor iha rai barak ka rai liur”, Dehan Prezidente Repúblika (PR), José Ramos-Horta, ba jornalista sira, iha salaun auditorium Institute Of Business (IOB) 08/07/2025.
PR hatete, Timor-Leste hetan oportunidade barak tamba ne’e estudante sira tenki elizivel hodi prienje kriteria sira ne’ebe maki ha,tanba nasaun Timor-Leste halo relasaun Bilaterál entre Nasaun barak liliu nasaun Dezenvolvidu sira atu bele fo opurtunidade ba estudante sira bele ba aprende iha ema nia rai.
“ha’u husu ba Inan-aman no Dosente sira atu haka’as estudante sira atu estuda maka’as no aprende barak, loron ruma sira bele implementa saida mak sira aprende ona, tanba uluk ita nia lideransa sira ne’e aprende uitoan no sempre hasoru dezafiu barak, tanba ita funu ho ita nia inimigu sira”, hatete PR
Presidente Republika akresenta katak, Timor oan barak mak agora sai matenek iha nasaun sira seluk, iha tempu pasadu nasaun Timor-Leste laiha kondisaun no situasaun atu permite nia sidadaun sira hodi estuda, tanba situasaun difisil nia laran, enkuantu joven sira atu estuda maibe tanba Timor-Leste hetan invasaun illegal durante tinan 24 nia laran hodi la fó kondisaun diak ba nia sidadun sira atu aprende maibe agora tempu on aba jerasaun foun sira.
“Ohin loron ita livre ona tenke aprende barak, tanba Timor-Leste iha ona mudansa barak no agora ita iha Téknolojia ne’ebé iha atu aproveita hodi estuda maka no adapta Téknolojia barak no estudante tenke aprende barak kona-ba área Agrikultura, Medisina, Edukasaun no Digitalizasaun”, hakotu Prezidente Repúblika (PR), José Ramos-Horta
Jornalista : Rogerio Anuno.
Editor :Sandi Bello
