(Díli) Taibessi– Negosiante Delcia da costa ximenes ho idade rua nulu (20) husi Munisípio Baucau aldeia Caisidu hanesan feto foinsae ida ne’ebé mak foti desijaun rasik hodi sustenta moris liu husi fa’an tomati no produtu sira seluk hodi sustenta mopris nian.
“Ha’u iha inisiativa no foti desijaun rasik ba ha’u nia a’an hodi buka moris iha merkadu atu bele sustenta ha’u nia moris ho familia uma laran, tamba de’it ekonomia uma laran ha’u hare menus tebes tamba ne’e ha’u rasik mak deside mai buka moris iha fatin ne’e”, dehan Delcia da Costa Ximenes ba jornalista Média Mudansa iha merkadu Taibessi, Tersa, 25/06/2025
Negosiante Delcia informa katak, nia halo negosiu hetan failhansu mak, ema la dun sosa no tenke bulka alternative seluk atu nune’e fa’an fila fali, kada loron fa’an depende ba erma ne’ebé atu sosa di’ak loron ida bele hetan osan $10 dolar to’o $20 dolar, husi osan sira ne’e mka bele hare ba alin sira nia eskola, hnesan oan feto primeriu iha uma laran prontu atu foti desijaun ba nia moris iha familia.
“Ha’u hanesan feto bo’ot iha uma laran ha’u prontu atu bele foti desijaun rasik iha familia, tamba de’it ami nia moris, maske iha familia ha’u ho ha’u nia ama no ha’u nia alin nain rua(2) ne’ebé mak sei ki’ik hela, agora dadauk hela ho avô mane”, nia informa
Nia relatan, iha negosiu ne’ebé mak nia hala’o hetan dejafius barak ne’ebé nia hasoru, maibé nia la rende ho desijaun ne’ebé mak nia rasik foti.
“Iha ha’u nia negosiu hanesan fa’an tomati no sasan seluk tan ne’ebé mak ha’u fa’an maske iha dejafius barak mak ha’u hasoru ha’u rasik la rende ho dejafius hirak ne’e, tamba ha’u rasik foti desijaun husi familia ne’e no ha’u mós prontu atu responsabliza iha ha’u nia familia, dejafius sira ne’e hotu ha’u bele dehan katak ida ne’e mak materia ida mai ha’u óinsa atu motiva ha’u nafatin pasensia hodi buka moris ,atu hare familia uma laran nian karik ha’u rende ho dejafius hirak ne’ebé mak ha’u hasoru, óinsa mak ho familia uma laran nia presiza buat ruma ha’u atu responde ho saida, tamba ne’e mak ha’u prontu tebes atu buka moris”, nia hatete
Entertantu nogosiante Delcia da costa ximenes husu ba nia maluk joven sira ne’ebé mak agora dadaun abandona hela ninia estudu iha fatin ne’bé de’it katak iha familia ne’ebé simples no familia la iha kbi’it atu kontinua sustenta moris di’ak liu lalika tauk atu foti desizaun rasik, tamba moris presiza buat hotu no lalika tauk no lalika moe ho moris ne’ebé la hanesan ema ho seluk.
Estajiado: Pedro Klau
Editora: Gaudencia Belo
