(Díli), Farol 25/06/ 2026–Komunidade Aileba ne’ebé hela iha Kapital Díli ohin loron hamutuk iha Farol,Díli hodi hato’o sira nia omenajen ikus ba saudozu Francisco Guterres ho sentiumentu triste. Komunidade sira ne’e hatete, bainhira rona notícia kona-ba nia faleseimentu eis PR, sira sente triste tebes no deside organiza malu hodi mai fó respeitu ikus.
Repezentante Komunidade Aileba Florinda dos Reis, dehan sira nia viajen mai la’os tanba obrigasaun, maibé tanba domin no respeitu ba lider ida ne’ebé durante nia moris servisu ba nasaun no povu Timor-Leste.
“Ami mai husi kapital Díli deit. Ami la haree susar ka kolen dalan, tanba ami hadomi nia. Ita dehan ai-hun tohar tenke hakfodak, tanba ai-mahon fó mahon ba ita. Maske ami hasoru obstákulu iha dalan, ami kontinua mai atu presta omenajen,” dehan reprezentante komunidade Aileba Florinda dos Reis ba Jornalista Sira hafoin remata Prestasaun omenajen ikus iha farol, residensia eis PR “Lú olo”, 25/06/2026
Nia deklara,hanoin fila-fali bainhira nia (Lú Olo) servisu iha Ailaran ka tempu resistensia,sempre besik povu no hatudu atensaun ba komunidade, tanba ne’e faleseimentu ne’e halo ema barak senti lakon bo’ot.
“maske saudosu Lú-Olo nia isin la iha ona iha ita nia leet ,maibe nia hanorin, nia lideransa no nia kontribuisaun ba independénsia no dezenvolvimentu Timor-Leste sei moris nafatin iha povu nia laran” nia hatutan
Remata komunidade Aileba hato’o kondolénsia ba família bo’ot no reza atu Maromak simu saudozu Francisco Guterres iha nia kadunan santu,no fó forsa ba família tomak iha tempu susar ne’e nia laran.
Jornalista :Osterlia muni
Editor :Ana Maria
