(Díli) Palácio Governo– Negosiante Natalino Amaral Soares, hanesan joven ida hatudu katak joven sira labele de’it hanoin kona-ba namora, maibé tenki hanoin mós kona-ba negosiu atu bele sustenta moris lor-loron nian.
Negosiante Natalino Amaral Soares ho idade rua nulun resin ida (21) orijem husi MunisípioViqueque ,Postu Uatulari Suku Afaloikai, dadaun ne’e nia iha Beto no nia la kontinua nia estudu Iha Ensino Superior, tamba nia hakarak buka moris hodi hadia.
” Ita labele hanoin de’it konsentra iha namora, tenke hanoin mós kona-ba ita-nia futuro no óinsa ita bele construi moris ida ne’ebé di’ak ba aban bainrua, ha’u halo negosiu ida ne’e tamba hakarak halo mudansa ba ita nia moris tamba desde uluk ha’u sei ki’ik hare Pai Mae halo Negosiu hodi hare ami to’o bo’ot ne’e mak bele motiva ha’u hakarak halo negosiu ne’e hodi bele hadia ami nia moris no ajuda fale Pai Mae hodi sustenta maun no alin sira nia eskola, ho idade ne’ebé avansadu ona buka meius óinsa ita bele independensia rasik no la bele depende liu ba ita nia Pai ho Mae”, Dehan negosiante Natalino ba Jornalista Média Mudansa Iha Palácio Governo, tersa, 25/06/2025
Negosiante hateten, tan de’it moris ida hodi idade ne’ebe avansadu ona ne’e la fasil tamba kestaun ekonómia obriga tenki halo negosiu hodi bele sustenta familia sira.
“Ha’u kompara uluk ki’ik no agora ha’u bo’ot ne’e ha’u hakarak ki’ik nafatin,tamba uluk sei ki’ik buat hotu ita husu ba Inan Aman, tamba ne’e ita idade aumenta ba bebeik ne’e ita bele buka rasik la buka bo’ot ba maibé hetan netik 0,50 nentavos no 10 centavos hodi bele kompleta ita nia nesesidade lor-loron nian, hanoin moris ne’e la fasil maibé moris todan liu”,nia salienta.
Negosiante Natalino hatutan, ho sasan hirak ne’ebé sira fa’an mak hanesan Sigaru,Coffe, Bee,ho sira ne’ebé fa’an ho folin 0,25 Centavos no tuir sasan sira nia folin.
“Foin hahú negosiu ne’e iha fulan janeiru nian to’o mai agora, no loron ne’ebé ami fa’an mak hetan osan $15 dolares amerikanus ou $20 dolares amerikanus maske hetan redimentu ne’ebé ki’ik maibé agradese, tamba liu negosiu ida ne’e bele sustenta nesesidade lor-loron nian,no Pai Mae nia suporta ami ho osan $50 dolares amerikanus hodi halo ba negosiu, osan ne’ebé suporta ne’e ami hola sasan sira hodi bele fa’an, maibé fa’an hotu tiha sasan sira ne’e ami hetan osan oituan hodi selu fila fale Inan Aman nia osan, no ita sai joven ne’e ita iia plano sempre iha hodi buat ne’ebé nenefisiu ba ita nia a’an rasik”,nia deklara.
Entertantu negosiante Natalino Soares rekomenda ba maluk joven sira ita joven no ne’ebé ho idade avansadu ona ne’e halo buat ne’ebé benefisiu ba moris nian, no lalale tur hodi hanoin namora maibé hanoin mós ba moris no ba joven mane sira la bele buka mak hemu tur estrada de’it, tamba mane nia responsabilidade bo’ot tebes ba Iha future.
Jornalista: Inácio Silva/Estagiada,Maya Luanda
Editor: Gaudencia Belo
